فيديو: التعبيرات اللفظية والجبرية

يوضح الفيديو ما المتغير، وما التعبير الجبري، وما التعبير اللفظي، وكيفية تحويل التعبيرات الجبرية إلى تعبيرات لفظية، والعكس، وأمثلةً عليها.

٠٧:١٥

‏نسخة الفيديو النصية

التعبيرات اللفظية والجبرية.

هو ده عنوان الفيديو بتاعنا هنتعلّم فيه إزّاي نقدر نحوّل التعبيرات الجبرية لتعبيرات لفظية والعكس. بس قبل ما نبدأ نحوّل، خلينا نعرف شويّة تعريفات الأول.

أول تعريف هنعرّفه هو المتغيّر. المتغيّر هو رمز يعبر عن كمية غير معلومة مثل س أو ص أو ع. يبقى المتغيّر هو كمية مجهولة مش عارفين هي بكام. قيمتها مش عارفين بكام. بنبدأ نعوّض عنه برمز مجهول س ص ع، أو أي رمز تاني.

التعريف اللي بعد كده هو التعبير الجبري. التعبير الجبري تعبير يحتوي على أعداد ورموز وعملية حسابية واحدة على الأقل.

خلينا نشوف مثال لتعبير جبري: س زائد أربعة. بنلاقي إن س ده عبارة عن حدّ متغيّر. وبنلاقي إن الأربعة عبارة عن حدّ ثابت. والجمع ده هو العملية الحسابية. يبقى بنسمي ده على بعضه عبارة عن تعبير جبري.

التعبير اللي بعد كده هو التعبير اللفظي. وهو عبارة تعبِّر عن التعبير الجبري لفظيًّا؛ بالكلام يعني. مثل عدد ما زائد أربعة. عدد ما يعني ممكن يبقى س ص ع، فخلينا نكتب كده إن هو عبارة عن س. زائد هي العملية الحسابية. يبقى نكتب كده علامة جمع أو علامة زائد. أربعة هو الحدّ الثابت. بنلاحظ إن هو ده نفسه التعبير الجبري اللي إحنا أخدناه كمثال على تعريف التعبير الجبري. بس هنا كتبناه لفظيًّا.

يبقى من الواضح كده إن إحنا نقدر نحوّل أي تعبير جبري لتعبير لفظي والعكس. طب إزّاي نقدر نعمل ده؟ خلينا نفتح مع بعض صفحة جديدة، ونشوف جدول اللي بيخلينا نقدر نحوّل التعبير اللفظي لتعبير جبري والعكس.

من خلال الجدول اللي قدامنا ده هنقدر نحوّل التعبيرات الجبرية للفظية والعكس. أول حاجة خلينا نشوف إزّاي بنقدر نعبّر عن الجمع لفظيًّا. الجمع ممكن نعبر عنه لفظيًّا بكلمة «يزيد» أو «زائد بمقدار» أو «مجموع عليه».

لوجينا نشوف الطرح، فنقدر نعبر عن عملية الطرح لفظيًّا باستخدام لفظ «ينقص» أو «ناقص بمقدار» أو «مطروح منه».

لو جينا نشوف الضرب، فبنلاقي إن الضرب نعبر عنه لفظيًّا بكلمة «ضرب» أو «ضعفه» أو «تلات أمثال»، «أربع أمثال»، «ست أمثال» … وهكذا.

بعد كده بنلاقي إن القسمة «مقسوم إلى»، «مقسوم على». ممكن نقول مقسوم إلى تلات مجموعات؛ يعني مقسوم على التلاتة. أو مقسوم على التلاتة على طول. فنعرف إن القسمة ليها أكتر من تعبير والضرب والجمع والطرح. مش اللي قدامنا بس، لأ فيه تعبيرات لفظية أخرى بتعبر عن العمليات الحسابية اللي قدامنا، هنفهمها من سياق الكلام لمّا نشوفها.

خلينا مع بعض في صفحة جديدة، كده نشوف أمثلة على تحويل التعبيرات اللفظية الجبرية والعكس.

المثال بيقول: اكتب التعبير الجبري للتعبيرات اللفظية الآتية.

خلينا نشوف أول مثال عندنا كده. أول مثال بيقول: أكثر من س بمقدار سبعة.

يبقى هو يزيد عن س بمقدار سبعة. يبقى إحنا لو عندنا س كده، فهو بيزيد عنها بمقدار سبعة. يبقى التعبير الجبري اللي قدامنا عبارة عن س زائد سبعة.

لو جينا نشوف نقطة رقم اتنين كده: ينقص عن ستة بمقدار س.

يبقى إحنا لو عندنا ستة كده، فهو ينقص عنها بمقدار س. أيًّا كانت س دي كام بقى.

لو جينا نشوف نقطة رقم تلاتة: العدد ص إذا قُسِّم على تلاتة.

فبنلاقي كده عندنا الـ ص مقسومة على التلاتة. قُسِّم على تلاتة يبقى كأن قسمناه على تلاتة.

لو جينا نشوف رقم أربعة: ضعف عدد ما زائد أربعة.

يبقى العدد ما ده ممكن يبقى س ص ع، خلينا نقول إن هو س مثلًا. يبقى ضعف عدد ما، يبقى ضعف س زائد أربعة. يبقى زائد أربعة.

وبكده يبقى إحنا قدرنا نحوّل التعبيرات اللفظية اللي قدامنا إلى تعبيرات جبرية، باستخدام الجدول اللي إحنا شُفناه من شويّة.

بعد كده خلينا نشوف مثال على العكس. إزّاي نقدر نحوّل التعبير الجبري إلى تعبير لفظي. خلينا نفتح مع بعض صفحة جديدة كده ونشوف.

المثال بيقول: اكتب التعبير اللفظي للتعبيرات الجبرية التالية.

أول نقطة عندنا بتقول: نص س على التلاتة.

نص في س على تلاتة. فبنكتب نصف، ممكن نقول س أو ممكن نكتب نصف عدد ما، مقسومًا على تلاتة. يبقى عندنا نُص س، يبقى نصف عدد ما، أو ممكن نقول نصف س على طول. على، يبقى مقسومًا على. تلاتة، بنكتب تلاتة.

خلينا نشوف نقطة رقم اتنين: اتنين س ناقص ستة.

بنكتب كده ضعف عدد ما، أو نكتب ضعف س، ضعف س. مطروح منه ستة. يبقى اتنين س ناقص ستة. ضعف س أو عدد ما، مطروح منه ستة.

نقطة رقم تلاتة: تلاتة س أُس تلاتة.

تلاتة. فبنكتب كده تلات أمثال. س أُس تلاتة، بنكتب القوة الثالثة لِـ س. يبقى إحنا دلوقتي س أُس تلاتة عبارة عن القوة الثالثة لِـ س. وفيه تلاتة فبنكتب تلات أمثال القوة الثالثة لِـ س.

يبقى إحنا في الفيديو ده عرّفنا شويّة تعريفات. عرّفنا يعني إيه متغيّر. عرّفنا يعني إيه تعبير جبري. عرفنا يعني إيه تعبير لفظي. شُفنا من خلال الجدول إزّاي نقدر نحوّل التعبير الجبري لتعبير لفظي والعكس. التعبير الجبري عبارة عن تعبير يحتوي على رموز وأعداد وعملية حسابية واحدة على الأقل. والتعبير اللفظي هو عبارة عن ترجمة التعبير الجبري لفظيًّا باستخدام الكلام. ومن خلال الجدول اللي أخدناه، نقدر نحوّل الاتنين لبعض بسهولة. وزي ما شُفنا في الأمثلة نقدر نحوّل إزّاي الاتنين لبعض.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.