تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: التعبير عن مجموع مساحة سطح شكلين مُعطَيَيْن في الصورة الجبرية

أحمد لطفي

أوجد المساحة الكلية للشكلين التاليين.

٠٣:٣٦

‏نسخة الفيديو النصية

اوجد المساحة الكلية للشكلين التاليين.

بما إن الشكلين عبارة عن متوازي مستطيلات فالمساحة الكلية لمتوازي المستطيلات هتساوي اتنين في الطول في العرض، زائد اتنين في الطول في الارتفاع، زائد اتنين في العرض في الارتفاع.

بالنسبة لأول متوازي مستطيلات اللي هو ده، مساحته الكلية هتساوي اتنين في، الطول بيساوي تلتاشر س، في، العرض بيساوي اتناشر ص، زائد اتنين في، الطول بيساوي تلتاشر س، في، الارتفاع بيساوي سبعة ع، زائد اتنين في، العرض بيساوي اتناشر ص، في، الارتفاع بيساوي سبعة ع؛ يعني المساحة الكلية لأول متوازي مستطيلات هيساوي تلتمية واتناشر س ص، زائد مية اتنين وتمانين س ع، زائد مية تمنية وستين ص ع، ويبقى كده قدرنا نوجد المساحة الكلية للشكل الأول.

لو عايزين نوجد المساحة الكلية للشكل الثاني؛ فبالتطبيق في نفس القانون هيبقى المساحة الكلية عندنا هتساوي اتنين في، الطول بيساوي حداشر س، في، العرض بيساوي تمنية ص، زائد اتنين في، الطول بيساوي حداشر س، في، الارتفاع بيساوي سبعة ع، زائد اتنين في، العرض بيساوي تمنية ص، في الارتفاع بيساوي سبعة ع، يبقى المساحة الكلية للشكل التاني هتساوي مية ستة وسبعين س ص، زائد مية أربعة وخمسين س ع، زائد مية واتناشر ص ع.

ويبقى كده قدرنا نوجد المساحة الكلية للشكل الأول والمساحة الكلية للشكل التاني، محتاجين نوجد المساحة الكلية للشكلين فهنجمع المساحة الكلية للشكل الأول زائد المساحة الكلية للشكل التاني؛ يبقى المساحة الكلية للشكلين هتساوي المساحة الكلية للشكل الأول زائد المساحة الكلية للشكل التاني؛ فبالتعويض هيكون عندنا المساحة الكلية للشكلين هتساوي تلتمية واتناشر س ص، زائد مية اتنين وتمانين س ع، زائد مية تمنية وستين ص ع، زائد مية ستة وسبعين س ص، زائد مية أربعة وخمسين س ع، زائد مية واتناشر ص ع.

هنجمع الحدود المتشابهة، هنلاحظ إن عندنا تلتمية واتناشر س ص ومية ستة وسبعين س ص، فهيساوي ربعمية تمنية وتمانين س ص، وهنلاحظ عندنا مية اتنين وتمانين س ع ومية أربعة وخمسين س ع؛ يعني هيساوي تلتمية ستة وتلاتين س ع، وهنلاحظ إن عندنا مية تمنية وستين ص ع ومية واتناشر ص ع، يعني هيساوي ميتين وتمانين ص ع؛ وبالتالي المساحة الكلية للشكلين هتكون بتساوي ربعمية تمنية وتمانين س ص، زائد تلتمية ستة وتلاتين س ع، زائد ميتين وتمانين ص ع.