فيديو: استخدام خاصية الدمج لعملية الجمع حتى ٢٠

أوجد العدد المجهول: ١٦ + ٣ + ١ = _ + ١.

٠٢:١٥

‏نسخة الفيديو النصية

أوجد العدد المجهول: ستاشر زائد تلاتة زائد واحد تساوي، نقط، زائد واحد.

عاوزين نستخدم خاصية الدمج علشان نحل السؤال ده. طيب هو السؤال بيقول لنا إيه؟ إن ستاشر زائد تلاتة، مجموع عليهم الواحد، بيساوي عدد المفروض نعرفه هنا ونكتبه مكان النقط، زائد الواحد.

إيه اللي حصل؟ دمجنا الستاشر مع التلاتة، وجمعناهم على الواحد هتبقى هي هيّاها. طيب لمّا نيجي ندمج الستاشر مع التلاتة، هنقول ستاشر زائد تلاتة، تساوي إيه؟ الستاشر في مخّنا والتلاتة على إيدينا. وبعد الستاشر؛ سبعتاشر، تمنتاشر، تسعتاشر. يبقى الناتج هو إيه؟ تسعتاشر.

يبقى إحنا كده استخدمنا خاصية الدمج، وعرفنا إيه العدد اللي المفروض يتكتب مكان النقط، وهو التسعتاشر.

الجزء التاني من السؤال: باستخدام ستاشر زائد تلاتة زائد واحد، تساوي تسعتاشر زائد واحد. ما ناتج جمع ستاشر زائد تلاتة زائد واحد؟

السؤال بيقول لنا: باستخدام اللي إحنا وصلنا له ده، اللي هو ستاشر زائد تلاتة زائد واحد، تساوي تسعتاشر زائد واحد. عاوزين نعرف بقى ناتج جمع ستاشر زائد تلاتة زائد واحد.

طيب هو إحنا عملنا إيه؟ استخدمنا خاصية الدمج. فهو قصده اللي إحنا باستخدام خاصية الدمج عاوزين نعرف ناتج ستاشر زائد تلاتة زائد واحد. هنقول له ماشي. إحنا دلوقتي دمجنا الستاشر مع التلاتة، وجمعناها فطلعت بتساوي تسعتاشر. بعدين نزلنا زائد واحد. طيب هنقول بتساوي تاني. هو تسعتاشر زائد واحد كام؟ بعد التسعتاشر عشرين؛ فمعناها إن تسعتاشر زائد واحد يساوي عشرين.

يبقى إحنا كده استخدمنا خاصية الدمج؛ علشان نعرف ستاشر زائد تلاتة زائد واحد بتساوي كام، وطلعت بتساوي عشرين. يبقى الإجابة هي عشرين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.