فيديو: إيجاد الوسيط لمجموعة بيانات

أوجد الوسيط الحسابي للأعداد التالية: ٢٠٠، ٣٠٠، ٣٣٠، ٣٧٠.

٠١:٥٠

‏نسخة الفيديو النصية

أوجد الوسيط الحسابي للأعداد التالية: ميتين، تلتمية، تلتمية وتلاتين، تلتمية وسبعين.

هنشوف إزاي بنقدر نحسب الوسيط لمجموعة من البيانات. أول خطوة بنعملها إننا نرتب البيانات أو الأعداد اللي عندنا ترتيب تصاعدي أو تنازلي. خلينا نبتدي نرتبها ترتيب تصاعدي من الأصغر للأكبر؛ ولو كان عدد البيانات اللي عندنا عدد فردي، فيبقى كده الوسيط هيبقى العدد الواقع في المنتصف؛ أما لو كان عدد البيانات اللي عندنا عدد زوجي، فالوسيط هيبقى متوسط العددين اللي واقعين في المنتصف.

هنبتدي نطبق الخطوات دي عَ المثال اللي عندنا. عايزين نرتب الأعداد اللي عندنا ترتيب تصاعدي، هي أصلًا مكتوبة بترتيب تصاعدي، هنكتبها بالشكل ده، ونعدّ البيانات اللي عندنا أو الأعداد، هم كام عدد، هم أربعة. يبقى الوسيط هيبقى متوسط العددين اللي في المنتصف، اللي هم تلتمية، وتلتمية وتلاتين؛ يعني هنجمعهم ونقسمهم على اتنين. مجموعهم هيبقى ستمية وتلاتين، يبقى ستمية وتلاتين على اتنين، نقسم بقى ستة على الاتنين، ناتج القسمة هيبقى تلاتة. وبعدين نقسم تلاتة على اتنين، ناتج القسمة هيبقى واحد، وهيتبقى عندنا واحد، هنحطه هنا جنب الصفر اللي موجود في الآحاد. يبقى كده إحنا بنقسم عشرة على اتنين، ناتج القسمة هيبقى خمسة؛ يبقى الوسيط هو تلتمية وخمستاشر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.