تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: الأعداد حتى ١٠

نهال عصمت

يوضح الفيديو طريقة كتابة الأعداد من ٠ إلى ١٠ وقراءتها، وأمثلة على ذلك.

٠٦:١٠

‏نسخة الفيديو النصية

الأعداد حتى عشرة.

هنتعلّم إزاي نكتب ونقرا الأعداد من صفر حتى عشرة. في البداية إيه هي فايدة الأعداد؟ الأعداد بتعرَّفنا ما هو عدد الأشياء. هنبدأ نرسم جدول. وهنكتب فيه الأعداد من صفر حتى عشرة.

الجدول هيبقى بالشكل الآتي: عندنا مجموعة من التفاح. عايزين نعبَّر عنهم بالأعداد. هنبدأ نبصّ على أول صفّ. هنلاقي إن ما عندناش ولا تفاحة. معنى كده إن إحنا هنعبّر عنها بالعدد صفر. وهنكتبها بالكلمات: صفر. بعد كده عندنا تفاحة واحدة. يبقى هنكتب العدد واحد. وهنعبّر عنه بالكلمات: واحد. بعد كده عندنا تفاحتين؛ واحد، اتنين. يبقى هنكتب العدد هو اتنين. وهنكتبه بالكلمات: اثنان. بعد كده هنلاقي إن عندنا واحد، اتنين، تلاتة. عندنا تلات تفاحات. يبقى العدد هو تلاتة. وهنكتبه بالكلمات: ثلاثة.

في الصفّ اللي بعديه، هنبدأ نعدّ التفاح. هنلاقي إن عندنا واحد، اتنين، تلاتة، أربعة. يبقى العدد هو أربعة. وهنكتبه بالكلمات: أربعة. في الصفّ اللي بعديه، هنبدأ نعدّ التفاح. هنلاقي إن عندنا واحد، اتنين، تلاتة، أربعة، خمسة. يبقى العدد هو خمسة. وهنكتبه بالكلمات: خمسة. في الصفّ اللي بعديه، هنبدأ نعدّ التفاح. هيبقى عندنا واحد، اتنين، تلاتة، أربعة، خمسة، ستة. عندنا ست تفاحات. يبقى العدد هو ستة. ولو جينا نكتب العدد بالكلمات هنكتبه: ستة.

في الصفّ اللي بعديه، هنبدأ نعدّ التفاح. هنلاقي إن عندنا واحد، اتنين، تلاتة، أربعة، خمسة، ستة، سبعة. عندنا سبع تفاحات. يبقى العدد هو سبعة. وهنكتبه بالكلمات: سبعة. في الصفّ اللي بعديه، هنلاقي عندنا واحد، اتنين، تلاتة، أربعة، خمسة، ستة، سبعة، تمنية. يبقى العدد هو تمنية. وهنكتبه بالكلمات: ثمانية. في الصفّ اللي بعديه، هنلاقي واحد، اتنين، تلاتة، أربعة، خمسة، ستة، سبعة، تمنية، تسعة. يبقى عدد التفاح هو تسعة. ونكتبها بالكلمات: تسعة.

آخر حاجة هنعدّ التفاح اللي موجود في آخر صفّ. هيبقى واحد، اتنين، تلاتة، أربعة، خمسة، ستة، سبعة، تمنية، تسعة، عشرة. يبقى آخر عدد هو عشرة. وهنكتبه بالكلمات: عشرة. وبكده عرفنا نكتب الأعداد من صفر حتى عشرة بالأرقام والكلمات.

هنبدأ نجيب صفحة جديدة. ونشوف مثال. مطلوب: اقرأ الأعداد الآتية، وارسم برتقالة تعبّر عن العدد.

أول عدد عندنا هو ستة. بنكتبه بالكلمات: ستة. عايزين نرسم ست برتقالات تعبّر عن العدد ستة. هيبقى بالشكل الآتي. يبقى كده عندنا واحد، اتنين، تلاتة، أربعة، خمسة، ستة. يبقى قدرنا نمثّل العدد ستة أو نعبّر عن العدد ستة بست برتقانات. بعد كده عندنا العدد أربعة. نقدر نكتبه بالكلمات: أربعة. بعد كده عايزين نمثّل العدد أربعة بالبرتقانات. يبقى هنرسم أربع برتقالات بالشكل الآتي. يبقى كده عندنا واحد، اتنين، تلاتة، أربعة. يبقى كده عرفنا نقرا الأعداد، ونرسم برتقالات تعبّر عن العدد.

هنبدأ نجيب صفحة جديدة. ونشوف مثال آخر: عايزين نعدّ الأشكال الآتية، ونكتب العدد اللي بتعبّر عنه الأشكال.

أول حاجة عندنا علب هدايا. هنبدأ نعدّها. هيبقى واحد، اتنين، تلاتة. يبقى عندنا تلات علب هدايا. يبقى هنكتب العدد تلاتة. ونقدر نكتبها بالكلمات: ثلاثة. بعد كده عندنا مجموعة من البالونات. هنبدأ نعدّهم، هنلاقي إن عندنا واحد، اتنين، تلاتة، أربعة، خمسة، ستة، سبعة. يبقى العدد هو سبعة. ونقدر نكتبه بالكلمات: سبعة.

يبقى كده عرفنا نعدّ الأشكال اللي موجودة قدامنا، ونكتب العدد اللي بتعبّر عنه. وبكده يبقى عرفنا إزاي نكتب ونقرا الأعداد من صفر حتى عشرة.