تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد ميل دالة خطية بمعلومية جدول الدالة

سوزان فائق

ما ميل الدالة الخطية المُمثَّلة في الجدول؟

٠١:١٩

‏نسخة الفيديو النصية

ما ميل الدالة الخطية الممثَّلة في الجدول؟ قيم س هي: صفر، واتنين، وأربعة؛ مقابل ليها قيم ص: أربعة، وعشرة، وستاشر.

ميل الدالة بيساوي التغير الرأسي على التغير الأفقي. التغير الرأسي اللي بيمثّله قيم الصادات، والتغير الأفقي بيمثله قيم السينات؛ يعني ممكن نقول فرق الصادات على فرق السينات. هنشوف التغير في قيم الـ س، هنلاقي الصفر راحت بقت اتنين، يعني زادت اتنين؛ الاتنين بقت أربعة، يعني زادت اتنين. وبالنسبة للصادات، هنلاقي الأربعة بقت عشرة، يعني زادت ستة؛ والعشرة بقت ستاشر، يعني زادت ستة؛ يبقى معنى كده إن التغير ده ثابت في قيم السينات، والتغير ثابت في قيم الصادات؛ يبقى الدالة دي خطية.

هنوجد التغير بين أي نقطتين ما بينهم؛ يبقى التغير الرأسي، اللي هو هيمثّل فرق الصادات هنا ستة، على التغير الأفقي، اللي هو فرق السينات، اللي هو هيبقى اتنين؛ يبقى معنى كده إن ميل الدالة هيبقى قيمته تلاتة، وهو ده ميل الدالة الخطية الممثَّلة في الجدول.