فيديو: إيجاد قيم المقادير الجبرية التي تتضمَّن كسورًا

أوجد قيمة ﺱ − ﺹ، علمًا بأن ﺱ = ٥/٤، ﺹ = ٤/٣.

٠١:٤٠

‏نسخة الفيديو النصية

أوجد قيمة س ناقص ص، علمًا بأن س تساوي أربعة على خمسة، وَ ص تساوي تلاتة على أربعة.

دلوقتي إحنا مطلوب مننا نوجد قيمة المقدار ده: س ناقص ص، ومعطى عندنا قيمة س أربعة على خمسة، وقيمة ص تلاتة على أربعة؛ يبقى هنعوّض في المقدار بقيمة كلٍّ من س وَ ص، هيبقى كده س بأربعة على خمسة ناقص ص بتلاتة على أربعة. هنلاحظ إن الكسرين اللي عندنا ليهم مقامات مختلفة، فمش هنقدر نطرحهم بالشكل ده، محتاجين نوحد المقامات بتاعتهم على المضاعف المشترك الأصغر، اللي هو هيبقى عشرين.

عشان الخمسة اللي هي مقام الكسر الأول تبقى عشرين، يبقى ضربنا المقام في أربعة؛ يبقى بنفس الطريقة لازم نضرب البسط كمان في أربعة؛ عشان نحافظ على قيمة الكسر زي ما هي. وبعدين ناقص … مقام الكسر التاني عشان يبقى عشرين يبقى ضربنا المقام في خمسة، يبقى بنفس الطريقة لازم أضرب البسط بتاعه في خمسة.

كده الكسر الأول هيبقى ستاشر على عشرين ناقص التاني هيبقى خمستاشر على عشرين. دلوقتي الكسرين أصبح ليهم نفس المقام، وده هيبقى المقام بتاع الناتج، أمّا البسط بتاع الناتج فهيبقى إننا هنطرح البسط بتاع الكسر التاني من البسط بتاع الكسر الأول، يعني عايزين نوجد ستاشر ناقص خمستاشر، اللي هي هتبقى واحد؛ يبقى كده قدرنا نوجد قيمة س ناقص ص اللي هي هتطلع واحد على عشرين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.