تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد ارتفاع جسم بمعلومية زاوية ارتفاعه

سوزان فائق

بيت ارتفاعه ٦٦ مترًا، كانت زاوية الارتفاع من قاعدة البيت لقمة برج تساوي ٣٩°، زاوية الارتفاع من قمة البيت لقمة البرج تساوي ٢٤°. أوجد ارتفاع البرج لأقرب متر.

٠٣:٦٠

‏نسخة الفيديو النصية

بيت ارتفاعه ستة وستين متر. وكانت زاوية الارتفاع من قاعدة البيت لقمة برج تساوي تسعة وتلاتين درجة. هي الزاوية دي، زاوية الارتفاع، تسعة وتلاتين درجة. وزاوية الارتفاع من قمة البيت لقمة البرج تساوي أربعة وعشرين درجة. اللي هي الزاوية دي؛ زاوية ارتفاع. أوجد ارتفاع البرج لأقرب متر. عايزين نوجد الارتفاع ده كام.

المثلث ده هنسمّيه أ ب ﺟ. والمثلث اللي فوق، اللي فيه الزاوية أربعة وعشرين درجة، هنسمّيه د ﻫ ﺟ. علشان نوجد ارتفاع البرج، ما عندناش منه في طوله غير الستة وستين متر. يعني هنعتبره ستة وستين زائد قيمة س، حيث الـ س دي هي الـ ﻫ ﺟ. المسافة أ ب هنسمّيها ص.

في المثلث أ ب ﺟ، الزاوية أ قياسها تسعة وتلاتين درجة. يبقى ظا الزاوية أ هيساوي المقابل على المجاور. اللي هو ستة وستين زائد س، على الـ ص. قياس الزاوية أ معلوم، يبقى ظا التسعة وتلاتين درجة هيساوي ستة وستين زائد س على ص. ودي هنسمِّيها رقم واحد.

في المثلث د ﻫ ﺟ، كمان المثلث ده قائم الزاوية. يبقى ظا الزاوية د، اللي هي أربعة وعشرين درجة، هيساوي المقابل اللي إحنا مسميينه س، على المجاور اللي هو الـ ص. لأن نفس أ ب هي نفس د ﻫ. وهنسمِّي دي رقم اتنين. بقسمة المعادلة رقم واحد على المعادلة رقم اتنين. يبقى ظا تسعة وتلاتين درجة، على ظا أربعة وعشرين درجة هتساوي ستة وستين زائد س، على ص. وهنقسم على س على ص. يعني هتبقى كأننا بنضرب في ص على س. الـ ص هتُختصر مع الـ ص. يبقى ظا تسعة وتلاتين على ظا أربعة وعشرين هيساوي ستة وستين زائد س، على الـ س.

هنضرب الـ س في الـ ظا تسعة وتلاتين على الـ ظا أربعة وعشرين. يبقى ستة وستين زائد س هتساوي ظا تسعة وتلاتين على ظا أربعة وعشرين، في س. هنخلّي الـ س في طرف واحد. يعني هنودِّي القيمة دي للطرف الأيمن بإشارة مخالفة، أو نودّي الـ س بإشارة مخالفة.

يبقى ظا تسعة وتلاتين درجة، على ظا أربعة وعشرين درجة، مضروبة في الـ س ناقص الـ س، هتساوي ستة وستين. يعني هتساوي … تمن تلاف مية تمنية وتمانين من عشرة آلاف مضروبة في الـ س تساوي ستة وستين. يبقى الـ س هتساوي الستة وستين على تمن تلاف مية تمنية وتمانين من عشرة آلاف. هتساوي تقريبًا تمانين وستمية وخمسة من ألف متر.

يبقى ارتفاع البرج، اللي هو هيساوي ستة وستين زائد س، هيساوي تقريبًا مية سبعة وأربعين متر. وهي دي الإجابة المطلوبة.