فيديو: إيجاد قيمة تعبيرات الجمع باستخدام خواص عملية الجمع

استخدم خصائص الإبدال والدمج لحساب قيمة ٢٧ + ٢٩ + ٧٣.

٠١:٣٢

‏نسخة الفيديو النصية

استخدم خصائص الإبدال والدمج لحساب قيمة سبعة وعشرين زائد تسعة وعشرين زائد تلاتة وسبعين.

إحنا بنعوز نستخدم خصائص الإبدال والدمج عشان تساعدنا في تسهيل حساب عمليات الجمع. يعني مبدئيًّا نقدر نغيّر ترتيب الأعداد اللي عندنا دي في عملية الجمع، بحيث إن إحنا لمّا ندمج عددين مع بعض؛ يبقى جمعهم أسهل. يعني هنبدأ بإننا هنجمع سبعة وعشرين زائد تلاتة وسبعين؛ عشان السبعة اللي في آحاد العدد ده، والتلاتة اللي في آحاد العدد ده، لمّا نجمعهم هيدّونا عشرة؛ فده هيسهّل عملية الجمع. وبعدين نحط العدد التالت اللي هو تسعة وعشرين.

دلوقتي نستخدم الدمج؛ بإننا هندمج أول عددين، ونوجد ناتج جمعهم الأول. هنبدأ نجمع، سبعة زائد تلاتة هيبقى عشرة؛ صفر ومعانا الواحد، هنحطّه فوق العشرات. وبعدين نجمع واحد زائد اتنين؛ تلاتة، زائد سبعة؛ عشرة. كده بقى ناتج الجمع اللي عندنا، اللي هو جمع ما بداخل القوسين، مية. نجمع عليه بقى العدد التالت اللي هو تسعة وعشرين. وهنا عملية الجمع هتصبح سهلة جدًّا؛ عشان إحنا بنجمع عدد فيه أصفار على عدد آخر. فلمّا نجمع مية على تسعة وعشرين، هيبقى ناتج الجمع مية تسعة وعشرين.

وبكده يبقى استخدمنا خصائص الإبدال والدمج عشان نوجد مجموع التلات أعداد اللي عندنا ده بشكل أبسط.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.