فيديو: تحديد الصورة القياسية لمعادلة الخط المستقيم المُمثَّلة بيانيًّا

اكتب معادلة ممثلة بالرسم البياني الموضح. اكتب إجابتك في الصورة ﺱ + ﺹ = ﺟ.

٠١:٣٧

‏نسخة الفيديو النصية

اكتب معادلة ممثّلة بالرسم البياني الموضح، واكتب إجاباتك في الصورة س زائد الـ ص يساوي الـ ﺟ.

الشكل اللي قدامنا ده بيمثّل خط مستقيم، ومعادلة الخط المستقيم في الصورة العامة باستخدام الميل والجزء المقطوع من محور الصادات، هي الـ ص يساوي م س زائد الـ ب.

في الرسم اللي قدامنا الجزء المقطوع من محور الصادات هو الخمسة، يعني الـ ب هتساوي خمسة، وعلشان نوجد ميل الخط المستقيم، هيبقى بالتعويض في القانون ص اتنين ناقص ص واحد على س اتنين ناقص س واحد، حيث الـ س واحد والـ ص واحد والـ س اتنين والـ ص اتنين نقطتين على الخط المستقيم، من الرسم النقطة دي والنقطة دي على الخط المستقيم، النقطة الأولى إحداثياتها خمسة وصفر، والنقطة التانية إحداثياتها صفر وخمسة.

يبقى الميل هيساوي ص اتنين ناقص ص واحد، يعني صفر ناقص الخمسة، على س اتنين ناقص س واحد، خمسة ناقص صفر، هيساوي … سالب خمسة على خمسة هيساوي سالب واحد. يبقى هنا الميل قيمته سالب واحد والـ ب قيمتها خمسة، يبقى معادلة الخط المرسوم هي الـ ص تساوي سالب س زائد الخمسة، هنحطها في الصورة المُعطاة س زائد ص يساوي ﺟ؛ يبقى بجمع س على طرفَي المعادلة، يبقى س زائد الـ ص هتساوي خمسة، وهي دي المعادلة المطلوبة بالصورة المُعطاة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.