تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: تحليل المربع الكامل الثلاثي الحدود

نهال عصمت

حلِّل ٤٩ﺱ^٢ − ٥٦ﺱﺹ^٢ + ١٦ﺹ^٤ تحليلًا كاملًا.

٠٢:١١

‏نسخة الفيديو النصية

حلّل: تسعة وأربعين س تربيع، ناقص ستة وخمسين س ص تربيع، زائد ستاشر ص أُس أربعة؛ تحليلًا كاملًا.

هنبدأ نبصّ على المسألة اللي موجودة قدامنا. ونشوف نقدر نحلّلها إزاي. أول حاجة، هنلاقي إن الحدّ الأول هو مربع كامل. والجذر التربيعي ليه هو سبعة س. وهنلاقي كمان إن الحدّ الأخير، اللي هو الحدّ التالت، هو كمان مربع كامل. والجذر التربيعي ليه هو أربعة ص تربيع. ولو جينا ضربنا الحدّ الأول، في الحدّ التاني، في اتنين. هنلاقي سبعة س في أربعة ص تربيع في اتنين، بِستة وخمسين س ص تربيع. يبقى نقدر نحلّل المسألة اللي موجودة قدامنا، مربع كامل.

هنفتكر تحليل المربع الكامل. وهو أ ناقص ب الكل تربيع. هيساوي الحدّ الأول تربيع، اللي هو أ تربيع. والحدّ الأخير تربيع، اللي هو الحدّ التاني تربيع؛ يبقى زائد ب تربيع. والحدّ الأوسط هو اتنين في الحدّ الأول في الحدّ التاني؛ يبقى اتنين أ ب. وبتاخد إشارة الحدّ الأوسط، اللي هي السالب. يبقى أ تربيع ناقص اتنين أ ب زائد ب تربيع.

نرجع للمسألة بتاعتنا، ونبدأ نحلّلها. هنحلّل المسألة على صورة مربع كامل. يبقى هيساوي … هنعمل قوس تربيع. تسعة وأربعين س تربيع، الجذر التربيعي ليها هو سبعة س. وستاشر ص أُس أربعة، الجذر التربيعي ليها هو أربعة ص تربيع. والإشارة هي إشارة الحدّ الأوسط، اللي هي الإشارة السالبة. يبقى التحليل هو: سبعة س ناقص أربعة ص تربيع الكل تربيع. وبكده قدرنا نحلّل تحليلًا كاملًا.