فيديو: حل المسائل الكلامية بقسمة الأعداد الكسرية

قطعة أرض مساحتها ٧/٤ ٢٩ فدانًا قُسمت بالتساوي بين عدد من المزارعين. إذا حصل كل مزارع على ٢١/٢ ١ فدان، فما عدد المزارعين؟

٠١:٥٩

‏نسخة الفيديو النصية

قطعة أرض مساحتها تسعة وعشرين وأربعة على سبعة فدان، قُسّمت بالتساوي بين عدد من المزارعين. إذا حصل كل مزارع على واحد واتنين على واحد وعشرين فدان، فما عدد المزارعين؟

إحنا لو قسّمنا مساحة الأرض على عدد المزارعين؛ فده هيساوي نصيب المزارع الواحد. يعني نقدر نقول إن عدد المزارعين هيبقى بيساوي مساحة الأرض على نصيب المزارع.

مساحة الأرض الكلّية معطاة عندنا بتسعة وعشرين وأربعة على سبعة فدان. هنقسِمها على نصيب المزارع، اللي هو معطى بواحد واتنين على واحد وعشرين فدان.

دلوقتي إحنا بنجري عملية قسمة لأعداد كسرية. عشان نقدر نجري القسمة دي؛ هنحوّل الأعداد اللي عندنا لكسور غير فعلية. العدد الكسري الأول هنحوّله لكسر غير فعلي، هنضرب المقام اللي هو سبعة، في الجزء الصحيح اللي هو تسعة وعشرين؛ هيبقى ميتين وتلاتة زائد أربعة، هيبقى كده ميتين وسبعة، يبقى البسط ميتين وسبعة على سبعة. هنقسِمه على العدد الكسري التاني بعد ما نحوّله هو كمان لكسر غير فعلي، هنضرب واحد وعشرين في واحد، يبقى بواحد وعشرين، ونجمع عليها اتنين، يبقى تلاتة وعشرين؛ يبقى تلاتة وعشرين على واحد وعشرين.

دلوقتي إحنا لمّا بنيجي نقسِم، والمقسوم عليه بيبقى كسر؛ بنستبدل عملية القسمة بعملية ضرب، وبنضرب في المعكوس الضربي للكسر اللى بيتم القسمة عليه؛ يعني بنضرب في واحد وعشرين على تلاتة وعشرين. هيبقى بيساوي ميتين وسبعة في واحد وعشرين، على سبعة في تلاتة وعشرين.

بالاختصار، وبإجراء عمليات الضرب والقسمة، هنلاقي إن الناتج هيبقى سبعة وعشرين؛ يعني عدد المزارعين هيبقى سبعة وعشرين مزارع.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.