فيديو: تحديد الإحداثي ص لنقطتين تقعان على مستقيمين متوازيين

إذا كان الخط المستقيم المار بالنقطتين ﺃ(−١٣، ٨)، ﺏ(٢٠، ﺹ) يوازي المستقيم المار بالنقطتين ﺟ(−٢، ٠)، د(٧، ﺹ)، فما قيمة ﺹ؟

٠٣:٥٦

‏نسخة الفيديو النصية

إذا كان الخطّ المستقيم المارّ بالنقطتين أ سالب تلتاشر وتمنية، وَ ب عشرين وَ ص، يوازي المستقيم المارّ بالنقطتين ج سالب اتنين وصفر، وَ د سبعة وَ ص. فما قيمة ص؟

بعد ما قرينا السؤال، فهمنا إن فيه خطّين مستقيمين متوازيين. وكلّ خطّ فيهم بيمُرّ بنقطتين مذكورتين في السؤال عندنا. فبنلاقي إن العلاقة اللي بتربط أيّ خطّين مستقيمين متوازيين هي إن لهم نفس الميل. وبما إن مذكور عندنا النقطتين اللي بيمُرّ بيهم كلّ خطّ مستقيم. يبقى بدلالة النقطتين دول نقدر نوجد ميل الخطّ المستقيم كالتالي: ميل الخطّ بدلالة نقطتين بيساوي س اتنين ناقص س واحد على، ص اتنين ناقص ص واحد. يعني فرق الإحداثي السيني للنقطتين مقسوم على فرق الإحداثي الصادي للنقطتين.

وبما إننا عرفنا ميل الخطّ المستقيم الأول يساوي ميل الخطّ المستقيم الثاني، هنوجد ميل الخطّ المستقيم الأول. فبنلاقي إن بيمُرّ بالنقطتين أ وَ ب. مش هيفرق أيّ نقطتين، هتكون النقطة الأولى أو النقطة التانية. ولكن يُراعَى الترتيب. هنفهم إزاي دلوقتي. فهنختار إن النقطة أ تكون النقطة الأولى، والنقطة ب تكون النقطة التانية.

يبقى س اتنين عندنا عبارة عن عشرين ناقص سالب تلتاشر على، ص اتنين ناقص ص واحد. ص اتنين يعني إحداثي النقطة التانية اللي إحنا حدّدناها الأول. وهي عبارة عن النقطة ب. يبقى ص اتنين هتكون عبارة عن ص ناقص … ص واحد قيمتها بتساوي تمنية. تساوي … ميل الخطّ المستقيم التاني، بنلاقي عندنا إنه بيمُرّ بالنقطتين ج وَ د. ج النقطة الأولى، وَ د النقطة التانية. يبقى س اتنين عبارة عن سبعة ناقص سالب اتنين على، ص ناقص صفر. يبقى الطرف اليمين هيبقى عبارة عن عشرين ناقص سالب تلتاشر. يبقى عشرين زائد تلتاشر على، ص ناقص تمنية يساوي سبعة ناقص سالب اتنين. يبقى سبعة زائد اتنين، على ص.

يبقى الطرف اليمين عبارة عن … عشرين زائد تلتاشر بتلاتة وتلاتين. على … ص ناقص تمنية يساوي تسعة، على ص. باستخدام الضرب التبادلي، يبقى تلاتة وتلاتين ص هتساوي تسعة، ص ناقص تمنية. بنكمِّل، يبقى الطرف اليمين تلاتة وتلاتين ص تساوي … هنوزّع التسعة على الطرح. يبقى تسعة في ص بتسعة ص، ناقص … تسعة في تمنية، الناتج باتنين وسبعين.

هنعزل بعد كده المتغيّر ص. وده هيتمّ من خلال طرح تسعة ص من الطرفين. يبقى شكل المعادلة هيكون عبارة عن تلاتة وتلاتين ص، ناقص تسعة ص، هتساوي سالب اتنين وسبعين. بنكمّل، يبقى أربعة وعشرين ص هتساوي سالب اتنين وسبعين. بعد كده هنعزل المتغيّر ص بإننا هنقسم الطرفين على أربعة وعشرين. فبنلاقي إن ص هتساوي سالب اتنين وسبعين على أربعة وعشرين. الناتج هيساوي سالب تلاتة.

يبقى ص هتساوي سالب تلاتة. ودي عبارة عن الإجابة النهائية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.