فيديو: قراءة البيانات من الجدول التكراري ذي المجموعات

يوضّح الجدول التكراري التالي أوزان ٤٠ طالبًا في أحد الفصول. ما عدد الطلاب الذين وزنهم أقل من ٥٠ كجم؟

٠١:٥٥

‏نسخة الفيديو النصية

يوضّح الجدول التكراري التالي أوزان أربعين طالبًا في أحد الفصول. ما عدد الطلاب الذين وزنهم أقل من خمسين كيلوجرام؟ وفي الجدول اللي عندنا ده موجود فترات لأوزان الطلاب، وموجود كمان تكرار عدد الطلاب لكل فترة.

فعندنا خمس طلاب وزنهم من تلاتين كيلوجرام، لحدّ أقل من خمسة وتلاتين كيلوجرام. وتمن طلاب وزنهم من خمسة وتلاتين كيلو جرام، لحدّ أقل من أربعين كيلوجرام. واتناشر طالب كمان، وزنهم من أربعين كيلوجرام، لحدّ أقل من خمسة وأربعين كيلوجرام. وعندنا تسع طلاب تانيين وزنهم من خمسة وأربعين كيلوجرام، لحدّ أقل من خمسين كيلوجرام. وست طلاب وزنهم من خمسين كيلوجرام لأكتر من خمسين. وموجود في آخر الجدول إجمالي عدد الطلاب، واللي هو أربعين طالب.

ودلوقتي علشان نحسب عدد الطلاب اللي وزنهم أقل من خمسين كيلوجرام. فهنجمع عدد الطلاب في الفترات اللي في الجدول، لحدّ الفترة اللي فيها الأوزان أقل من خمسين كيلوجرام. اللي هو عند الفترة دي. وبالتالي هنجمع عدد الطلاب: خمسة، وتمنية، واتناشر، وتسعة.

هنجمع الأول خمسة زائد تمنية، واللي بيساوي تلتاشر. وبعدين نجمع اتناشر زائد تسعة. اتنين زائد تسعة بيساوي حداشر. هنكتب واحد في الآحاد، وواحد هنضيفها للعشرات. واحد زائد واحد بيساوي اتنين. بعدين هنجمع واحد وعشرين زائد تلتاشر. واحد زائد تلاتة بيساوي أربعة، واتنين زائد واحد بيساوي تلاتة. معنى كده إن مجموع الأربع أعداد دول، هو العدد أربعة وتلاتين.

وبالتالي هيكون عدد الطلاب اللي وزنهم أقل من خمسين كيلوجرام، هو: أربعة وتلاتين طالب.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.