فيديو: إيجاد عدد خطوط التماثل للأشكال

ما عدد خطوط تماثل هذا الشكل؟

٠١:٣٦

‏نسخة الفيديو النصية

ما عدد خطوط تماثل هذا الشكل؟

الشكل اللي عندنا ده هو شبه المنحرف اللي بيبقى فيه ضلعين فقط متوازيين، محور التماثل هو اللي بيقسم الشكل لنصين متطابقين تمامًا، يا ترى بقى الشكل اللي قدامنا فيه أي خط يقدر يقسمه لنصين متطابقين تمامًا؛ يعني شكل بعض بالظبط؟ لو رسمنا الشكل اللي قدامنا على ورقة، وقصينا الورقة، وجربنا نطبّق الورقة نصين، بس بحيث إن الخط اللي بيقسمها نصين ده يكون خط أفقي، هنلاقي إن النصين مش شكل بعض، يبقى منقدرش نعتبر الخط الأفقي، ما نقدرش نعتبر الخط ده محور تماثل عشان قسّم الشكل لجزأين غير متطابقين مش شكل بعض، هنكرر المحاولة مرة تانية بس المرة دي هنطبّق الشكل رأسيًّا؛ يعني الخط اللي قدامنا ده هنشوفه هو محور تماثل للشكل ولا لأ، هنلاقي إن الجزأين الناتجين اللي هيتقسم ليهم الشكل بعد ما نرسم الخط ده هما مش متماثلين، مش متطابقين، الجزء اللي عَ اليمين ده مستطيل والجزء اللي على الشمال شبه منحرف؛ فمنقدرش نعتبر الخط ده كمان محور تماثل في الشكل اللي عندنا، لو حاولت أي قدر من المحاولات نطبق الورقة اللي على شكل شبه المنحرف دي بأي شكل ممكن نوصل لشكلين متطابقين مش هنقدر، شبه المنحرف مالهوش أي محاور تماثل.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.