تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: استخدام الشبكات المصفوفة لإيجاد الرقم المجهول في معادلة قسمة

غادة عليوة

أوجد العدد المجهول. ٤٨ ÷ ٨ = _.

٠١:١٩

‏نسخة الفيديو النصية

أوجد العدد المجهول. تمنية وأربعين على تمنية يساوي، نقط.

لو بصّينا للمصفوفة اللي قدامنا دي، هنلاقي إنها بتتكوّن من مجموعة من الصفوف، ومجموعة من الأعمدة. ولو حبّينا نوجد عدد المربعات اللي بتتكوّن منها المصفوفة ده كلهم. نقدر نقول: إن هو حاصل ضرب عدد الصفوف في عدد الأعمدة. يعني عدد الصفوف بتمنية، هنضربه في عدد الأعمدة، اللي هو ستة. وحاصل ضرب ستة في تمنية بيساوي تمنية وأربعين. يبقى نقدر نقول: إن عدد المربعات اللي في المصفوفة دي هيطلع تمنية وأربعين مربع.

نقدر نستفيد من جملة الضرب اللي وصلنا لها دي. واللي هي إن حاصل ضرب ستة في تمنية بيساوي تمنية وأربعين. وإحنا عارفين إن عملية القسمة هي عكس عملية الضرب. فلو قسمنا تمنية وأربعين، اللي هو حاصل الضرب؛ على أحد العاملين، اللي هو هنا تمنية. هيبقى ناتج القسمة هو العامل الآخر، اللي هو هنا ستة. يعني نقدر نقول: تمنية وأربعين على تمنية يساوي ستة. يبقى العدد المجهول اللي كان مطلوب إيجاده هو ستة.

وده معناه إن لو عندنا تمنية وأربعين قطعة عدّ مثلًا، وحبّينا نقسِّمهم على تمن مجموعات بالتساوي؛ فهيبقى كل مجموعة فيها ست قطع عدّ.