فيديو: تفسير وحساب عملية القسمة بالتجزئة لكسر على كسر آخر مقامه مختلف

يتدرَّب باسم على البوق ٢٠ دقيقة يوميًّا. يقول مدرس الموسيقى الذي يُدرِّبه على البوق إن هذه المدة تساوي الثلثين فقط من التدريب اليومي اللازم في هذه المرحلة. ما المدة التي يجب أن يتدرَّبها يوميًّا؟

٠١:٤٠

‏نسخة الفيديو النصية

يتدرّب باسم على البوق عشرين دقيقة يوميًّا. يقول مدرس الموسيقى الذي يدرّبه على البوق: إن هذه المدة تساوي الثُّلثين فقط من التدريب اليومي اللازم في هذه المرحلة. ما المدة التي يجب أن يتمرّنها يوميًّا؟

عرفنا من السؤال اللي عندنا، إن باسم بيتدرّب عشرين دقيقة يوميًّا. وإن المدة دي بتمثّل تِلتين الوقت اللي المفروض يتدرّبه في المرحلة اللي هو فيها. يعني لو افترضنا إن التدريب اليومي اللازم له، في هذه المرحلة، هو س. فيبقى الوقت اللي هو بيتدرّبه حاليًّا، العشرين دقيقة دي، بتمثّل اتنين على تلاتة من الوقت اللازم للتدريب، اللي هو س. يعني بتساوي اتنين على تلاتة، في س.

طب دلوقتي إحنا عايزين نوجد قيمة س، أو المدة اللازمة للتدريب يوميًّا. فيبقى هنضرب طرفَي المعادلة في، تلاتة على اتنين. خلّينا نبدأ نختصر الطرف الأيمن من المعادلة. لو قسمنا عشرين على اتنين، هيبقى الناتج عشرة. أمّا الاتنين لو قسمناها على اتنين، هيصبح الناتج واحد. وبكده هيصبح الطرف الأيمن تلاتة في عشرة.

أمّا الطرف الأيسر، فلو قسمنا البسط والمقام على تلاتة. وبعدين قسمنا تاني البسط والمقام على اتنين. فهيصبح عندنا في الطرف الأيسر، المتغيّر س فقط. يبقى كده قدرنا نوصل لقيمة المتغيّر س. اللي هي حاصل ضرب تلاتة في عشرة. اللي هتساوي تلاتين.

وبكده يبقى قدرنا نعرف المدة، اللي يجب على باسم أن يتمرّنها يوميًّا. وهي تلاتين دقيقة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.