فيديو: ترتيب المقادير الموضحة ترتيبًا تصاعديًا

رتِّب المقادير المدوَّنة على هذه البطاقات ترتيبًا تصاعديًّا.

٠٢:٤٧

‏نسخة الفيديو النصية

رتب المقادير المدونة على هذه البطاقات ترتيبًا تصاعديًّا: ستة في ستة، تسعة في تسعة، تلاتة في تسعة، تمنية في خمسة، تلاتة في سبعة.

مطلوب في السؤال ترتيب المقادير المدوّنة على البطاقات المعطاة ترتيبًا تصاعديًّا. هنفكر إزاي؟ عشان نعرف نرتب المقادير دي، أول حاجة هنجيب قيمة كل مقدار.

هبتدي بالمقدار الأولاني ستة في ستة. حاصل ضرب ستة في ستة هيساوي ستة وتلاتين.

المقدار التاني تسعة في تسعة. حاصل ضرب تسعة في تسعة هيساوي واحد وتمانين.

المقدار التالت تلاتة في تسعة. تلاتة في تسعة هيساوي سبعة وعشرين.

المقدار الرابع تمنية في خمسة. حاصل ضرب تمنية في خمسة هيساوي أربعين.

والمقدار الخامس تلاتة في سبعة. حاصل ضرب تلاتة في سبعة هيساوي واحد وعشرين.

عشان نعرف نرتب المقادير المدونة اللي موجودة على البطاقات ترتيبًا تصاعديًّا، هنكتب قيمة كل مقدار فوق كل بطاقة. ستة وتلاتين. واحد وتمانين. سبعة وعشرين. أربعين. واحد وعشرين.

عشان نرتّب المقادير دي ترتيبًا تصاعديًّا، في البداية هنعرّف إيه هو الترتيب التصاعدي. هو ترتيب الأعداد من الأصغر إلى الأكبر. وبالتالي لمّا نقارن قيم البطاقات، هنلاقي إنه قيمة أصغر بطاقة هي واحد وعشرين. وبالتالي … وبالتالي أول مقدار في الترتيب التصاعدي هو تلاتة في سبعة. هكتبه وأشطب عليه.

بعدين هقارن قيم البطاقات الأخرى. هلاقي إنه سبعة وعشرين هو أصغر قيمة. إذن تاني مقدار هو تلاتة في تسعة. هكتبه وأشطب عليه.

بعدين هقارن قيم البطاقات اللي متبقية. هلاحظ إنه أصغر قيمة هو ستة وتلاتين. وبالتالي تالت مقدار هو ستة في ستة. هكتبه وأشطب عليه.

هقارن قيم البطاقات المتبقية. هلاقي إن أربعين أصغر من واحد وتمانين. إذن المقدار التالي هو تمنية في خمسة. هكتبه وأشطب عليه.

وأخيرًا آخر مقدار هو تسعة في تسعة. وهو ده الترتيب التصاعدي للمقادير المدوَّنة على البطاقات.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.