فيديو: تصنيف الأشكال الثنائية الأبعاد بحسب السمات غير التعريفية

صنف أمير هذه الأشكال حسب الحجم. هل كل المستطيلات في مجموعة واحدة؟

٠١:٤١

‏نسخة الفيديو النصية

صنّف أمير هذه الأشكال حسب الحجم. هل كل المستطيلات في مجموعة واحدة؟

فيه ولد اسمه أمير، عمل مجموعتين. المجموعة دي، وسمّاها مجموعة الأشكال الصغيرة. والمجموعة دي، وسمّاها مجموعة الأشكال الكبيرة. عمل مجموعة للأشكال الصغيرة؛ زيّ اللي قدامنا دول. دي كلها أشكال حجمها صغير، يبقى هو قسّمهم حسب الحجم. ومجموعة للأشكال الكبيرة أو الضخمة؛ زيّ المثلث ده، والمستطيل ده.

طيب السؤال عندنا بيقول لنا إيه؟ هل كل المستطيلات في مجموعة واحدة؟ يعني كل المستطيلات اللي موجودة عندنا في الشكل بتاعنا، موجودة في نفس المجموعة؟ تعالوا ندوّر عليها، ونشوف مكانها فين. لو جينا بصّينا كده على أول مجموعة، اللي هي دي، هنلاقي فيها المستطيلات؛ هو ده كده مستطيل، وده كمان مستطيل. لكن باقي الأشكال مش مستطيلات. فيه دواير زيّ دول، ومثلث زيّ ده.

يبقى كده في مجموعة الأشكال الصغيرة لقينا مستطيلين. طيب وفي الأشكال الكبيرة؟ عندنا فيه مثلث، وفيه مستطيل. ده كده مستطيل. فده معناه إن المجموعة دي فيها مستطيلين، والمجموعة دي فيها مستطيل. يبقى نجاوب على السؤال نقوله: لأة، المستطيلات كلها مش موجودة في نفس المجموعة. دي متوزّعة على المجموعتين. يبقى معنى كده إن الإجابة بتاع السؤال هتكون: لا. وهي دي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.