فيديو: امتحان الإستاتيكا • ٢٠١٧/٢٠١٦ • السؤال الخامس

امتحان الإستاتيكا • ٢٠١٧/٢٠١٦ • السؤال الخامس

٠٢:٢٩

‏نسخة الفيديو النصية

من الشكل الموضح، اوجد مجموع عزوم القوى حول نقطة و، بالنيوتن في سنتيمتر.

من الشكل اللي قدامنا ده، عاوزين نوجد عزوم القوى حوالين النقطة ب. وإحنا عندنا قوتين؛ قوة ستة نيوتن، وقوة أربعة جذر تلاتة نيوتن. العزم عبارة عن قوة مضروبة في بُعد عمودي. وإحنا مطلوب منّنا مجموع عزوم القوى حوالين النقطة و؛ يعني ج و. فَـ ج و هتساوي … نبدأ بأول قوة، وهي ستة نيوتن.

اتجاه دوران خط عمل القوة ستة نيوتن حوالين النقطة و، عكس اتجاه دوران عقارب الساعة. يعني إشارته موجبة. والبُعد العمودي بين خط عمل القوة والنقطة و، اللي هو طول الجزء ده، نقدر نحصل عليه من قانون جيب الزاوية. ففي المثلث القائم اللي ظللناه ده، جا تلاتين بتساوي المقابل على الوتر. المقابل هو طول الجزء اللي إحنا عاوزينه. والوتر هو تمانين سنتيمتر. فده معناه إن المقابل، أو البُعد العمودي اللي إحنا عاوزينه، بيساوي تمانين في جا تلاتين. ده هو طول البُعد العمودي اللي هنضربه في القوة. فيبقى عندنا ستة في تمانين جا تلاتين.

نيجي للقوة التانية، أربعة جذر تلاتة نيوتن. اتجاه دوران خط عمل القوة أربعة جذر تلاتة نيوتن حوالين النقطة و، مع اتجاه دوران عقارب الساعة. يعني إشارته سالبة. فنكتب سالب. والبُعد العمودي بين خط عمل القوة والنقطة و، اللي هو موضح عندنا بالشكل ده، برضو هنحسب طوله عن طريق قانون جيب الزاوية. في المثلث القائم المظلل بالأخضر، جا ستين تساوي المقابل على الوتر. المقابل هو اللي إحنا عاوزينه؛ البُعد العمودي. والوتر ستين سنتيمتر. يبقى كده المقابل بيساوي ستين في جا ستين. وهو ده طول البُعد العمودي.

يبقى عندنا كده القوة أربعة جذر تلاتة، مضروبة في ستين جا ستين. تبقى ج و بتساوي ميتين وأربعين ناقص تلتمية وستين. اللي هي بتساوي سالب مية وعشرين نيوتن في سنتيمتر. وهي دي الإجابة الصح، والمطلوب عندنا في السؤال. والإشارة السالبة هنا في الناتج بتعبّر عن الاتجاه.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.