فيديو: مقارنة عددين كبيرين بينهما عمليتا جمع وطرح

هل ٨٣٠‎٦٩٢‎٥ + ٧٣١‎٣٥٩‎٢‎< أم = أم >‎٨٩٦‎٦٤٦‎٩ − ٢٥٧‎٦٨٧‎٣؟

٠٣:٠٦

‏نسخة الفيديو النصية

هل تمنية مليون تلتمية وستة ألف تسعمية وعشرين، زائد سبعة مليون تلتمية وتلتاشر ألف خمسمية اتنين وتسعين … أصغر من، أم يساوي، أم أكبر من … تمنية مليون تسعمية ستة وستين ألف ربعمية تسعة وستين، ناقص اتنين مليون خمسمية ستة وسبعين ألف تمنمية تلاتة وسبعين؟

أول حاجة هنقسّم السؤال لجزئين. الجزء الأول هنحسب فيه عملية الجمع اللي هنا. والجزء التاني هنحسب فيه عملية الطرح اللي هنا. هنبدأ أول حاجة بعملية الجمع، ونجمع الجمع بتاعنا العادي. خمسة زائد اتنين، بسبعة. اتنين وتسعة، حداشر. واحد ومعانا الواحد. واحد وتسعة، عشرة. عشرة وخمسة، خمستاشر. خمسة ومعانا الواحد. واحد وستة، سبعة. سبعة وتلاتة، عشرة. صفر ومعانا الواحد. واحد وصفر، واحد. واحد وواحد، اتنين. تلاتة وتلاتة، ستة. تمنية وسبعة، خمستاشر. كده يبقى ناتج الجمع بيساوي خمستاشر مليون ستمية وعشرين ألف خمسمية وسبعتاشر.

نيجي للجزء التاني من السؤال. عايزين نطرح العددين دول من بعض. تسعة ناقص تلاتة، بستة. ستة ناقص سبعة، ما ينفعش. مش هنعرف نطرح السبعة من الستة. علشان كده هنستلف واحد، من الرقم اللي جنب الستة. الأربعة هتبقى بتلاتة. والواحد اللي استلفناه من الأربعة، هنضيفه مع الآحاد ستة، في خانة العشرات. يعني الستة أصبحت ستاشر. ستاشر ناقص سبعة، فيها التسعة.

تلاتة ناقص تمنية، مش هنعرف نطرحهم من بعض. التلاتة أصغر من التمنية. علشان كده هنستلف من الستة، واحد. يبقى الستة بقت خمسة، والتلاتة هتبقى تلتاشر. تلتاشر ناقص تمنية، بتساوي خمسة. والخمسة ناقص ستة، مش هنعرف نطرحهم من بعض. الخمسة أصغر من الستة. يبقى هنستلف واحد من الستة اللي جنب الخمسة. الستة هتبقى بخمسة، والخمسة هتبقى بخمستاشر. خمستاشر ناقص ستة، بيساوي تسعة.

دلوقتي هنطرح الخمسة ناقص سبعة. الخمسة أصغر من السبعة، يبقى هنستلف واحد من التسعة. التسعة هتبقى بتمنية، والخمسة هتبقى بخمستاشر. خمستاشر ناقص سبعة، بتمنية. وبعدين نطرح تمنية ناقص خمسة، بتلاتة. وتمنية ناقص اتنين، بستة. كده يبقى ناتج الطرح هيكون ستة مليون تلتمية تسعة وتمانين ألف خمسمية ستة وتسعين.

علشان نعرف نقارن بين العددين دول، هنعمل جدول للقيم المكانية، متقسّم لخانات. دلوقتي هنحطّ أرقام الأعداد اللي عندنا، في الخانات دي، بالشكل ده. دلوقتي هنشوف الخانة اللي ليها القيمة المكانية الأكبر، اللي هي عشرات الملايين. هنلاقي فيها واحد من العدد الأولاني، وفاضية في العدد التاني، يعني فيها صفر. وبما أن الواحد أكبر من الصفر … إذن العدد خمستاشر مليون ستمية وعشرين ألف خمسمية وسبعتاشر، هيكون أكبر من العدد ستة مليون تلتمية تسعة وتمانين ألف خمسمية ستة وتسعين. وبالتالي إجابة السؤال هتكون علامة أكبر من.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.