فيديو: مقارنة الكسور ذات البسوط المتشابهة

أيهما أصغر: ٨/١ أم ٦/١؟

٠١:٤٦

‏نسخة الفيديو النصية

أيهما أصغر: تُمن أم سُدس؟

عاوزين نعرف أي كسر من الكسرين دول هو الصغير: واحد على تمنية أو اللي إحنا بنسمّيه تُمن، ولّا واحد على ستة اللي إحنا بنسميه سُدس؟ في الكسور عمومًا الدنيا تحت بتكون مقلوبة. يعني إيه الدنيا تحت مقلوبة؟ يعني الأعداد اللي موجودة تحت شرطة الكسر، بتتعامل معاملة غريبة. يعني إيه؟

هي إيه الأعداد اللي موجودة تحت شرطة الكسر؟ هنا التمنية هي اللي موجودة تحت الشرطة، وهنا الستة. إحنا عارفين إن التمنية أكبر من الستة، لكن ما دام التمنية والستة جُم تحت شرطة الكسر، الدنيا بتتقلب. يعني إيه؟

يعني الستة هي اللي بتبقى كبيرة، والتمنية هي اللي بتبقى صغيرة؛ يعني بيحصل العكس. العكس يعني الستة هي اللي كبيرة، والتمنية هي اللي صغيرة. ليه؟ لأنهم موجودين تحت شرطة الكسر. لكن عارفين لو هم موجودين هنا كده فوق شرطة الكسر، كانت هتبقى عادي جدًّا، والتمنية هي الكبيرة، والستة هي الصغيرة.

طيب معنى إيه بقى الكلام اللي إحنا قلناه ده؟ معناه إن التُّمن أصغر من السُّدس. يبقى مين الصغير؛ واحد على تمنية، ولّا واحد على ستة؟ واحد على تمنية هو الصغير، وهو اللي المفروض نختاره.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.