فيديو: حساب مقادير الأعداد الكسرية ذات الحد الوحيد الموجب المرفوع لأس صحيح موجب

أيٌّ من التالي مساوٍ لـ (٤/٣ ٢)^٢؟ [أ] ٨/٢٢ [ب] ١٦/٩ ٢ [ج] ٢/١ ٥ [د] ١٦/٩ ٤ [ﻫ] ١٦/٩ ٧

٠٣:٢٨

‏نسخة الفيديو النصية

أيٌّ من التالي مساوٍ لاتنين وتلاتة على أربعة الكل أس اتنين؟ ومعطى عندنا الاختيارات؛ أ: اتنين وعشرين على تمنية. ب: اتنين وتسعة على ستاشر. ج: خمسة وواحد على اتنين. د: أربعة وتسعة على ستاشر. هـ: سبعة وتسعة على ستاشر.

يعني مُعطى عندنا المقدار ده، وعايزين نوجد قيمته. فأول خطوة هنعملها إننا هنكتب العدد الكسري اللي عندنا داخل الأقواس في صورة كسر. فلمّا نيجي نحوِّل العدد الكسري اتنين وتلاتة على أربعة إلى كسر. فأول حاجة بنعملها إننا بنضرب المقام اللي هو أربعة في اتنين، وبعد كده بنجمع عليه البسط اللي هو تلاتة. فلمّا نضرب أربعة في اتنين هتبقى بتساوي تمنية. وتمنية زائد تلاتة هتبقى بتساوي حداشر. وهنكتب حداشر في البسط. وأما المقام هيفضل أربعة زي ما هو.

فيبقى إحنا كده حوِّلنا من عدد كسري إلى كسر. فمعنى كده إن المقدار اللي عندنا هيبقى بيساوي حداشر على أربعة الكل تربيع. يعني هيبقى بيساوي حداشر تربيع على أربعة تربيع. فلمّا نحسبها هيبقى عندنا حداشر تربيع بيساوي مية واحد وعشرين. وأربعة تربيع بتساوي ستاشر. فيبقى قيمة المقدار ده اللي عندنا هو مية واحد وعشرين على ستاشر.

لكن هنلاحظ إن الناتج اللي أوجدناه مش موجود في الاختيارات اللي عندنا. فبالتالي هنحتاج إننا نحوِّل الكسر ده إلى عدد كسري. وعلشان نحوِّل من كسر إلى عدد كسري يبقى بنستخدم القسمة المطوَّلة.

فلمّا نيجي نقسم مية واحد وعشرين على ستاشر؛ يعني عايزين نشوف العدد مية واحد وعشرين موجود فيه العدد ستاشر كام مرة. فلو جينا مثلًا نجرب العدد ستة. فهنجرب نضرب ستة في ستاشر، فلمّا نحسبها هتبقى بتساوي ستة وتسعين. فمعنى كده إن إحنا نقدر نجرب عدد أكبر من ستة. لو جربنا مثلًا العدد سبعة. فهنجرب نضرب سبعة في ستاشر، فلمّا نحسبها هتبقى بتساوي مية واتناشر. فبالتالي هنلاحظ إن سبعة هو العدد اللي إحنا عايزينه؛ لأننا لو ضربنا تمنية في ستاشر هتبقى بتساوي مية تمنية وعشرين، واللي هتبقى أكبر من العدد اللي عندنا اللي هو مية واحد وعشرين.

فبالتالي هيبقى سبعة عندنا هو العدد الصحيح. فهنحسب مية واحد وعشرين ناقص مية واتناشر. فلمّا نحسبها هتبقى بتساوي تسعة. وبالتالي هيبقى عندنا الناتج هيبقى عندنا الناتج هو سبعة، وأما تسعة فهو باقي القسمة. وبالتالي لمّا نيجي نكتبها في صورة عدد كسري، فيبقى الناتج اللي هو سبعة هو العدد الصحيح. وأما العدد تسعة اللي هو باقي القسمة فبنكتبه في البسط، وأما في المقام فبنكتب العدد اللي بنقسم عليه اللي هو ستاشر.

وبالتالي هيبقى العدد الكسري عندنا هو سبعة وتسعة على ستاشر. يعني معنى كده إن الكسر واحد وعشرين على ستاشر، بيساوي العدد الكسري سبعة وتسعة على ستاشر. فبالتالي هيبقى المقدار اللي عندنا في السؤال اللي هو اتنين وتلاتة على أربعة الكل أُس اتنين بيساوي سبعة وتسعة على ستاشر. فلمّا نيجي نشوف الاختيارات اللي عندنا، هنلاحظ إن الاختيار هـ هو الاختيار الصحيح: سبعة وتسعة على ستاشر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.