فيديو: تمثيل المعادلات الخطية بيانيًّا عن طريق تغيير صيغتها

لديك المعادلة ٣ﺹ = (٦ﺱ + ٣)/٢. أَعِدْ ترتيب المعادلة للصورة ﺹ = ﻡﺱ + ﺟ. ما الميل والجزء المقطوع من المحور ﺹ للمعادلة؟ استخدم الميل والجزء المقطوع لتحديد الرسم البياني الصحيح للمعادلة. [أ] شكل أ [ب] شكل ب [ج] شكل ج [د] شكل د [ﻫ] شكل ﻫ

٠٣:١٠

‏نسخة الفيديو النصية

لديك المعادلة: تلاتة ص يساوي ستة س زائد تلاتة، على اتنين. وعندنا سؤال مكوَّن من تلات مطاليب؛ المطلوب الأول: أَعِدْ ترتيب المعادلة للصورة: ص يساوي م س زائد ج.

عندنا المعادلة: تلاتة ص يساوي ستة س زائد تلاتة، على اتنين. عايزين نكتبها في صورة: ص يساوي م س زائد ج. يعني عايزين معامل ص يبقى واحد. هنقسم طرفَي المعادلة على تلاتة. وهتبقى ص بتساوي ستة س زائد تلاتة على، اتنين في تلاتة. اتنين في تلاتة بيساوي ستة. وهتبقى ص بتساوي ستة س زائد تلاتة، على ستة. يعني ص هتساوي ستة س على ستة، زائد تلاتة على ستة. ستة س على ستة بتساوي س. زائد تلاتة على ستة. هنقسم البسط والمقام على تلاتة. تلاتة على تلاتة بيساوي واحد. وستة على تلاتة بتساوي اتنين. وهتبقى المعادلة: ص يساوي س زائد واحد على اتنين. وبكده قدرنا نكتب المعادلة على صورة: ص يساوي م س زائد ج.

المطلوب الثاني: ما الميل والجزء المقطوع من المحور ص للمعادلة؟

في المطلوب السابق قدرنا نكتب المعادلة في صورة: ص يساوي س زائد واحد على اتنين. يعني في صورة: ص يساوي م س زائد ج. صيغة الميل والمقطع أو الميل والجزء المقطوع من محور الصادات، حيث م هو الميل، وَ ج هو الجزء المقطوع من محور الصادات. يبقى في المعادلة: ص يساوي واحد س زائد نص، الميل هو واحد معامل س. والجزء المقطوع من محور ص هو موجب نصّ. وهيبقى الميل بيساوي واحد، والجزء المقطوع من المحور ص بيساوي واحد على اتنين.

المطلوب التالت هو: استخدم الميل والجزء المقطوع لتحديد الرسم البياني الصحيح للمعادلة.

وعندنا قدامنا خمس رسومات بيانية. من المطلوب السابق عرفنا إن الميل بيساوي واحد، والجزء المقطوع من محور ص هو نصّ. لو بصّينا على الرسم رقم أ هنلاقي إن الجزء المقطوع من محور ص هو سالب نصّ. عشان كده نقدر نرفضه، وأيضًا في ب الجزء المقطوع هو سالب نصّ. يبقى ب كمان مرفوض. وفي د الجزء المقطوع هو سالب واحد. وده هيخلّي د كمان مرفوض. وفي الرسم هـ الجزء المقطوع واحد. أمَّا في الرسم رقم ج، فهنلاقي إن الجزء المقطوع فعلًا بنصّ.

وعلشان نتأكّد من الميل هنختار نقطتين على الخطّ. ليكن النقطة صفر ونصّ، والنقطة واحد وواحد ونصّ. الميل بيساوي ص اتنين ناقص ص واحد على، س اتنين ناقص س واحد. ص اتنين بتساوي واحد ونصّ ناقص … ص واحد نصّ، على … س اتنين واحد، ناقص … س واحد صفر. واحد ونصّ ناقص نصّ بيساوي واحد. واحد ناقص صفر بيساوي واحد. واحد على واحد بيساوي واحد. وفعلًا الميل بيساوي واحد.

وهيبقى الرسم البياني الصحيح للمعادلة هو الرسم البياني رقم ج. لأن ميله بيساوي واحد، والجزء المقطوع من محور الصادات بيساوي نصّ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.