فيديو: إيجاد متوسِّط تغيُّر مساحة مثلث عندما يتغيَّر ارتفاعه من قيمة إلى أخرى

صفيحة مثلثة الشكل طول قاعدتها ضعف ارتفاعها، تتمدد محافظة على شكلها. أوجد معدل متوسط التغير في مساحة الصفيحة عندما يتغير الارتفاع من ١٤ سم إلى ٢٣ سم.

٠١:٥٢

‏نسخة الفيديو النصية

صفيحة مثلثة الشكل طول قاعدتها ضعف ارتفاعها، تتمدد محافظة على شكلها. أوجد معدل متوسط التغير في المساحة الصفيحة عندما يتغير الارتفاع من أربعتاشر سنتيمتر إلى تلاتة وعشرين سنتيمتر.

الصفيحة مثلّثة الشكل؛ يبقى معنى كده إن المساحة بتساوي نص طول القاعدة في الارتفاع، هنرمز للارتفاع بـ ع، طول القاعدة ضعف ارتفاعها؛ يعني معنى كده إن هيبقى طولها اتنين ع، يبقى هنختصر الاتنين مع الاتنين، يبقى مساحة الصفيحة هتساوي ع تربيع؛ يبقى معنى كده إن المساحة عبارة عن دالة في الارتفاع.

عايزين نوجد معدل متوسط التغير في مساحة الصفيحة لمّا يتغير الارتفاع من أربعتاشر لتلاتة وعشرين، يبقى معدل متوسط التغير في مساحة الصفيحة هيبقى الفرق ما بين المساحة عند الارتفاعين، على الفرق ما بين الارتفاعين. الفرق ما بين الارتفاعين اللي هو تلاتة وعشرين ناقص الأربعتاشر، والمساحة لمّا بتكون عند الارتفاع تلاتة وعشرين، ناقص لمّا تكون عند الارتفاع أربعتاشر. لمّا هنعوّض بالارتفاع بتلاتة وعشرين، يبقى تلاتة وعشرين تربيع ناقص أربعتاشر تربيع، على تلاتة وعشرين ناقص أربعتاشر، هيساوي تلتمية تلاتة وتلاتين على تسعة، ولمّا هنختصرها ونبسّطها هتساوي سبعة وتلاتين سنتيمتر مربع لكل سنتيمتر، وهو ده معدّل التغيُّر في المساحة لمّا هيتغير الارتفاع من أربعتاشر سنتيمتر إلى تلاتة وعشرين سنتيمتر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.