فيديو: تحديد أعلى درجة حرارة من جدول

يوضح الجدول درجات الحرارة خلال أحد الأسابيع. أيّ يوم سُجلت به أعلى درجة حرارة؟

٠١:٤١

‏نسخة الفيديو النصية

يوضح الجدول درجات الحرارة خلال أحد الأسابيع. أيّ يوم سُجلت به أعلى درجة حرارة؟

عندنا الجدول اللي قدامنا ده بيوضح لنا درجات الحرارة، من يوم السبت لحدّ يوم الجمعة. مكتوب كل يوم وقصاده درجة الحرارة بتاعته. وعاوزين نعرف أيّ يوم هو أكتر يوم حرّ؛ يعني في أعلى درجة حرارة.

طيب لو جينا نبصّ على الجدول، هنلاقي إن يوم السبت اتنين وعشرين درجة سلِزية. ويوم الحدّ أربعة وعشرين درجة سلِزية. والاتنين واحد وعشرين درجة سلِزية. والتلات تمنية وعشرين درجة سلِزية. والأربع خمسة وعشرين درجة سلِزية. والخميس تسعة وعشرين درجة سلِزية. والجمعة سبعة وعشرين درجة سلِزية.

فكده هنقارن بين درجات الحرارة: اتنين وعشرين، وأربعة وعشرين، وواحد وعشرين، وتمنية وعشرين، وخمسة وعشرين، وتسعة وعشرين، وسبعة وعشرين. دي الدرجات اللي موجودة في الجدول. مين أكبر عدد في الأعداد اللي قدامنا؟ نلاقي إن تسعة وعشرين هي أكبر عدد؛ لأن بعد التسعة وعشرين، تلاتين. وما عندناش تلاتين في الجدول. كل اللي موجود أقل من تسعة وعشرين.

طب هي التسعة وعشرين درجة سلِزية دي، فين في الجدول؟ هي دي. طيب بتقابل يوم إيه؟ يوم الخميس. يبقى لو عايزين نجاوب على السؤال، ونعرف أيّ يوم هو اللي فيه أعلى درجة حرارة، هنقول إن يوم الخميس هو اللي سُجِّل به أعلى درجة حرارة. وتبقى الإجابة هي الخميس.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.