تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: معرفة الحالات التي تنمو فيها الكميات أو تتضاءل بمعدل نسبة مئوية ثابتة لكل وحدة فترة بالنسبة إلى كمية أخرى

أحمد مدحت

يوضح الجدول التالي العدد اليومي لمشاهدات أحد الفيديوهات. كيف تصف نمو الشكل؟ [أ] نمو خطي [ب] تضاؤل أُسّي [ج] تضاؤل خطي [د] نمو أُسّي

٠١:٢١

‏نسخة الفيديو النصية

عندنا في المثال جدول بيوضّح العدد اليومي لمشاهدات أحد الفيديوهات، وعايزين نصِف نمو الشكل. وعندنا أربع اختيارات؛ الاختيار أ: هو نمو خطي. الاختيار ب: هو تضاؤل أُسّي. الاختيار ج: هو تضاؤل خطي. الاختيار د: هو نمو أُسّي.

أول حاجة هنعملها إن إحنا هنحدّد هل البيانات اللي عندنا بتبيّن نُموّ ولا تضاؤل. فهنرجع للجدول اللي عندنا، فلو عدد المشاهدات بيزيد كل ما زاد عدد الأيام؛ فمعنى كده إن البيانات بتبيّن نُموّ. أما لو عدد المشاهدات بيقل كل ما زاد عدد الأيام؛ فمعنى كده إن البيانات بتبيّن تضاؤل. فمن خلال الجدول اللي عندنا، هنلاقي عدد المشاهدات بيزيد بزيادة الأيام. معنى كده إن البيانات اللي عندنا بتبيّن نُموّ.

بعد كده هنحدد إذا كان النُّموّ ده خطي ولّا أُسّي. فعلشان نعرف إذا كان النمو خطي ولّا أُسّي هنشوف الفرق بين كل قيمتين متتاليتين من قيم عدد المشاهدات. فلو كان مقدار ثابت، معنى كده إن النمو خَطّي، ولو مش مقدار ثابت معنى كده إن النمو أُسّي. فلمّا هنرجع للجدول اللي عندنا، ونوجد الفرق بين كل قيمتين متتاليتين من قيم عدد المشاهدات. هنلاقي إن الفرق ده مش مقدار ثابت؛ فمعنى كده إن البيانات بتبيّن نُموّ أُسّي. يعني الإجابة هتبقى هي الاختيار د.