فيديو: كتابة مقادير الجمع المتكرِّر لتمثيل الشبكات المصفوفة

هلال وأمنية يَعُدَّان كرات السلة الموضَّحة. أمنية تقول إن هناك ٤ + ٤ من كرات السلة. هلال يقول إن هناك طريقة أخرى لعد كرات السلة. ما هذه الطريقة؟

٠٢:٠٩

‏نسخة الفيديو النصية

هلال وأمنية يعدّان كرات السلة الموضحة. أمنية تقول إن هناك أربعة زائد أربعة من كرات السلة. هلال يقول إن هناك طريقة أخرى لعدّ كرات السلة، ما هذه الطريقة؟

الاختيار الأول: واحد زائد واحد زائد واحد زائد واحد. الاختيار التاني: اتنين زائد اتنين. الاختيار التالت: واحد زائد واحد زائد واحد. الاختيار الرابع: اتنين زائد اتنين زائد اتنين زائد اتنين. الاختيار الخامس: اتنين زائد اتنين زائد اتنين.

دلوقتي مجموعة كرات السلة اللي قدامنا دي، نقدر نعتبرهم صفّين، كل صف فيه أربع كرات، ونعدّ عدّ قفزي، نبدأ من أربعة، ونقفز أربعة، يعني نضيف أربعة كده؛ فيبقى عندنا كده تمن كرات عبارة عن أربعة زائد أربعة من كرات السلة. يبقى كده باستخدام طريقة أمنية، قدرنا نوصل إن عدد الكرات الكلي عبارة عن تمن كرات.

هلال بقى ممكن يفكر إن أنا أقدر أعدّهم بطريقة تانية، هعتبرهم مجموعة من الأعمدة، كل عمود فيه كرتين، وأعدّ عدّ قفزي، كل مرة أقفز قفزة مقدارها اتنين، وأجيب العدد اللي بعد كده. فابتدينا باتنين، بعدين القفزة مقدارها اتنين فيبقى كده بقى عندنا أربعة، وبعدين نقفز قفزة أخرى مقدارها اتنين برضو فيبقى كده عندنا ست كرات، وبعدين قفزة أخرى مقدارها اتنين هيبقى كده عندنا تمن كرات. يبقى كده هلال، باستخدام الطريقة بتاعته، وصل لنفس عدد الكرات؛ بس بدل ما يعمل عدّ قفزي مقداره أربعة، استخدم طريقة مختلفة، وهي إنه عمل عدّ قفزي مقداره اتنين، زي الطريقة اللي عندنا دي.

يبقى الإجابة الصحيحة اللي هتبيّن طريقة هلال، اللي استخدمها لإيجاد مجموعة الكور اللي عندنا دي عددها قد إيه، هي الاختيار رقم أربعة: اتنين زائد اتنين زائد اتنين زائد اتنين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.