فيديو: نموذج تدريب امتحان الفيزياء • ٢٠١٩ • السؤال الثالث عشر

نموذج تدريب امتحان الفيزياء • ٢٠١٩ • السؤال الثالث عشر

٠١:٥١

‏نسخة الفيديو النصية

اوجد بوحدة الإلكترون فولت طاقة الفوتون اللازمة لإثارة ذرة الهيدروجين من المستوى الأرضي 𝑛 بيساوي واحد، إلى المستوى الرابع 𝑛 بيساوي أربعة.

عشان تثار ذرة الهيدروجين، وينتقل الإلكترون من مستوى أدنى 𝑛 بيساوي واحد، إلى مستوى أعلى 𝑛 بيساوي أربعة … لازم تكون طاقة الفوتون الساقط على الذرة قيمة معينة، ما ينفعش أكبر منها ولا أصغر. والقيمة دي هي فرق الطاقة بين المستويين، اللي هيكتسبها الإلكترون عشان يقدر ينتقل. وفرق الطاقة بيساوي طاقة المستوى الأعلى 𝑛 بيساوي أربعة، ناقص طاقة المستوى الأدنى 𝑛 بيساوي 1. 𝐸 أربعة وَ 𝐸 واحد مش معانا. لكن نقدر نوجدهم من العلاقة اللي بتقول: طاقة المستوى رقم 𝑛 بتساوي سالب تلتاشر وستة من عشرة على رقم المستوى تربيع إلكترون فولت.

فتبقى 𝐸 أربعة بتساوي سالب تلتاشر وستة من عشرة على أربعة تربيع إلكترون فولت. وَ 𝐸 واحد بتساوي سالب تلتاشر وستة من عشرة على واحد تربيع إلكترون فولت. ولمّا نعوّض بِـ 𝐸 واحد وَ 𝐸 أربعة، Δ 𝐸 هتساوي سالب تلتاشر وستة من عشرة على أربعة تربيع إلكترون فولت. ناقص سالب تلتاشر وستة من عشرة على واحد تربيع إلكترون فولت. سالب في سالب بموجب. وبأخذ تلتاشر وستة من عشرة عامل مشترك، Δ 𝐸 هتساوي تلتاشر وستة من عشرة، في واحد ناقص واحد على أربعة تربيع إلكترون فولت. فتطلع Δ 𝐸 بتساوي اتناشر وخمسة وسبعين من مية إلكترون فولت. إذن طاقة الفوتون هتساوي اتناشر وخمسة وسبعين من مية إلكترون فولت.

وبكده يبقى جِبنا طاقة الفوتون اللازم لإثارة ذرة الهيدروجين، عشان ينتقل الإلكترون من المستوى الأرضي إلى المستوى الرابع بوحدة الإلكترون فولت.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.