فيديو السؤال: إيجاد الزوج المُرتَّب الذي يُمثِّل موضع نقطة مُحدَّدة في المستوى الإحداثي

نسخة الفيديو النصية

أوجد الزوج المرتب الذي يمثل موضع النقطة ر في المستوى الإحداثي الموضح.

عندنا المستوى الإحداثي اللي قدامنا ده من س وَ ص. وفيه شوية حروف؛ زي الـ م، والـ ح، والـ ك، والـ ف، والـ ظ، والـ ل، والـ ن، والـ ر. عاوزين بقى نعرف إيه هو الزوج المرتب اللي بيمثّل النقطة إيه؟ ر. طب والزوج المرتب ده كان بيبقى عامل إزاي؟ قوسين وفي النص فاصلة. وهنا الإحداثي السيني. وهنا الإحداثي الصادي. وإحنا هنجيبه لإيه؟ لـ ر.

فنقول ر بتساوي … هنشوف هنجيب إزاي الإحداثي للنقطة ر. هنعمل إسقاط على محور السينات؛ يعني هنوصّل ر بمحور السينات بالشكل ده. وصلت لحد الإيه؟ التلاتة. فده معناه إن الإحداثي السيني بتاع الـ ر تلاتة.

بنفس الطريقة هنجيب الإحداثي الصادي. نوصّل لحد ما نوصل للـ ص. وصلنا عند التسعة. فده معناه إن الإحداثي الصادي هو تسعة.

طيب جبنا الإحداثي السيني وجبنا الإحداثي الصادي. يبقى جبنا الزوج المرتب. يبقى كده الزوج المرتب هو إيه؟ هو تلاتة وتسعة. وهي دي الإجابة الصح.