فيديو: تحويل الأطوال من الأمتار إلى السنتيمترات

اكتب بالسنتيمترات: ٣ أمتار.

٠١:٠٢

‏نسخة الفيديو النصية

اكتب بالسنتيمترات تلات أمتار.

يعني عايزين نعرف تلاتة متر بتساوي كام سنتيمتر. وفي الأول خلينا نفتكر إن واحد متر بيساوي مية سنتيمتر. فمعنى كده إننا لو عايزين نحوّل من متر إلى سنتيمتر، فبالتالي هنضرب القيمة اللي عندنا المعطاة بالمتر، في مية. وأمّا لو عايزين نحوّل من سنتيمتر إلى متر، فمعنى كده إننا هنقسم القيمة المعطاة بالسنتيمتر، على مية؛ علشان نحوّلها متر.

فهنلاحظ عندنا في السؤال إن معطى القيمة بالأمتار. يعني عندنا تلاتة متر، وعايزين نكتبها بالسنتيمتر. فزيّ ما عرفنا إننا عشان نحوّل من متر إلى سنتيمتر، بنضرب في مية. فبالتالي هنضرب تلاتة متر في مية. فلمّا نحسب تلاتة في مية، هتبقى بتساوي تلتمية. وهتبقى الوحدة بالسنتيمتر. وبالتالي هتبقى تلاتة متر، لمّا نكتبها بالسنتيمترات، هتبقى بتساوي تلتمية سنتيمتر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.