فيديو: إيجاد ثابت التناسب

إذا كانت ﺹ ∝ ﺱ، ﺹ = ١٤ عندما تكون ﺱ = ٦، فعيِّن ثابت التناسب.

٠١:٣٧

‏نسخة الفيديو النصية

إذا كانت ص بتتناسب طرديًّا مع س، وَ ص تساوي أربعتاشر عندما تكون س تساوي ستة. فعيّن ثابت التناسب.

بما إن ص بتتناسب طرديًّا مع س، يبقى ص هتساوي أ س. وَ أ هو عبارة عن ثابت التناسب. وبنلاقي إن لمّا قيمة ص تساوي أربعتاشر، قيمة س بتساوي ستة. فبالتعويض عن ص بأربعتاشر، تساوي أ في ستة. بعد كده هنعزل المتغير أ، أو ثابت التناسب؛ عشان نقدر نوجد قيمته. وده هيتمّ عن طريق قسمة الطرفين على ستة.

يبقى الطرف اليمين هيبقى عبارة عن أربعتاشر على ستة، تساوي أ في ستة، على ستة. بنلاقي في الطرف الشمال إننا ممكن نقسم البسط على ستة، ويكون الناتج بواحد. ونقسم المقام على ستة، ويكون الناتج بواحد. وفي الطرف اليمين ممكن نقسم البسط والمقام على الاتنين. أربعتاشر على الاتنين الناتج بسبعة. ستة على الاتنين الناتج بتلاتة. يبقى أ اللي هو عبارة عن ثابت التناسب، هيساوي سبعة على التلاتة. يبقى النتيجة النهائية إن ثابت التناسب هيساوي سبعة على تلاتة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.