فيديو: تقدير ناتج جمع أعداد من ثلاثة أرقام

يوضح الفيديو كيفية تقدير ناتج جمع أعداد مكوَّنة من ثلاثة أرقام عن طريق التقريب لأقرب ١٠ أو أقرب ١٠٠.

٠٦:٤١

‏نسخة الفيديو النصية

هنتكلّم عن تقدير ناتج جمع أعداد مكوَّنة من تلات أرقام.

هنتعلّم إزاي نقدّر ناتج جمع أعداد مكوَّنة من تلات أرقام باستعمال التقريب. هبتدي الشرح بالمثال التالي: عَمِل طلاب مدرسة معرضًا فنيًّا. وكان عدد الزائرين في يوم الثلاثاء ربعمية تسعة وعشرين طالب. وعدد الزائرين يوم الأربعاء ميتين سبعة وستين طالب. فكم عدد الطلاب الذين زاروا المعرض في اليومين تقريبًا؟

هنلاحظ هنا إن كلمة تقريبًا معناها إننا مش محتاجين نجيب الجواب الدقيق. وبالتالي ممكن أستعمل التقدير؛ عشان أجيب جواب قريّب من الجواب الدقيق. وبكده هنقدّر ناتج جمع ربعمية تسعة وعشرين زائد ميتين سبعة وستين. هنقرّب كلّ من العددين مرة إلى أقرب عشرة، ومرة إلى أقرب مائة. محتاجين نفتكر إنه الأعداد صفر، واحد، اتنين، تلاتة، أربعة بتقرّب العدد إلى أعلى إلى أقرب عشرة أو أقرب مائة. والأعداد خمسة، وستة، وسبعة، وتمنية، وتسعة بتقرّب العدد إلى أدنى إلى أقرب عشرة أو أقرب مائة.

دلوقتي لمّا هنقرّب إلى أقرب عشرة، العدد الأولاني هيبقى ربعمية وتلاتين؛ لأن فيه تسعة جنب الاتنين. والعدد التاني هيبقى ميتين وسبعين؛ لأن فيه سبعة جنب الستة. دلوقتي هجمع ربعمية وتلاتين زائد ميتين وسبعين هيساوي سبعمية. دلوقتي لمّا نقرّب كلّ من العددين إلى أقرب مائة، العدد الأولاني بما إنه فيه اتنين جنب الأربعة إذن هيبقى ربعمية. والعدد التاني بما إنه فيه ستة جنب الاتنين، فهيبقى تلتمية. هنجمع ربعمية زائد تلتمية هيساوي برضو سبعمية. وبكده أقدر أقول: إنه عدد الطلبة الذين زاروا المعرض في اليومين حوالي سبعمية طالب.

عشان نجيب ناتج الجمع الدقيق، هنبتدي بجمع الآحاد: تسع آحاد زائد سبع آحاد هيساوي ستاشر آحاد. هعيد تجميعها إلى ستة آحاد وواحد عشرات. بعد كده هجمع العشرات: واحد عشرات زائد اتنين عشرات زائد ست عشرات هيساوي تسع عشرات. وأخيرًا هجمع المئات: أربع مئات زائد اتنين مئات هيساوي ست مئات. هنلاحظ إنه ناتج التقريب قريّب جدًّا من ناتج الجمع الدقيق.

هنكمّل في الصفحة اللي جايّة. مثال: استعمل التقريب لتقدير الناتج.

هنقرّب مرة إلى أقرب عشرة، ومرة تانية لأقرب مائة. وهنجيب ناتج الجمع الدقيق. أول حاجة لمّا هنقرّب إلى أقرب عشرة، تلتمية خمسة وتمانين هتبقى تلتمية وتسعين؛ لأن فيه خمسة جنب التمنية. وخمسمية وسبعتاشر هيبقى خمسمية وعشرين؛ لأن فيه سبعة جنب الواحد. صفر آحاد زائد صفر آحاد هيساوي صفر آحاد. تسع عشرات زائد اتنين عشرات هيساوي حداشر عشرة. هعيد تجميعها إلى واحد عشرات وواحد مئات. واحد مئات زائد تلاتة مئات زائد خمسة مئات هيساوي تسعة مئات. إذن ناتج التقريب إلى أقرب عشرة هو تسعمية وعشرة.

دلوقتي هقرّب إلى أقرب مائة. تلتمية خمسة وتمانين إلى أقرب مائة هتبقى ربعمية؛ لأن فيه تمنية جنب التلاتة. وخمسمية وسبعتاشر هتبقى خمسمية؛ لأن فيه واحد جنب الخمسة. هجمع ربعمية زائد خمسمية هيساوي تسعمية.

دلوقتي هجيب ناتج الجمع الدقيق. هجمع تلتمية خمسة وتمانين زائد خمسمية وسبعتاشر. خمس آحاد زائد سبع آحاد هيساوي اتناشر آحاد. هعيد تجميعها إلى اتنين آحاد وواحد عشرات. هجمع واحد عشرات زائد تمن عشرات زائد واحد عشرات هيساوي عشر عشرات. هعيد تجميعها إلى صفر عشرات وواحد مئات. بعد كده هجمع واحد مئات زائد تلات مئات زائد خمس مئات، هيساوي تسع مئات. إذن هنلاحظ إنه ناتج التقريب تسعمية أو تسعمية وعشرة قريّب جدًّا من ناتج الجمع الدقيق.

هناخد مثال تاني في الصفحة اللي جايّة. استعمل التقريب لتقدير الناتج: خمسمية تلاتة وتمانين زائد تلتمية ستة وسبعين.

في البداية، هقرّب كلّ من العددين إلى أقرب عشرة. خمسمية تلاتة وتمانين إلى أقرب عشرة هتبقى خمسمية وتمانين. زائد … تلتمية ستة وسبعين إلى أقرب عشرة هتساوي تلتمية وتمانين. هجمع صفر آحاد زائد صفر آحاد هيساوي صفر آحاد. تمن عشرات زائد تمن عشرات هيساوي ستاشر عشرة. هكتب ست عشرات، وهعيد تجميع الستاشر عشرة إلى ست عشرات وواحد مئات. واحد مئات زائد خمس مئات زائد تلات مئات هيساوي تسع مئات. إذن ناتج التقريب إلى أقرب عشرة هو تسعمية وستين. هنقرّب إلى أقرب مائة. خمسمية تلاتة وتمانين إلى أقرب مائة هتبقى ستمية. زائد … تلتمية ستة وسبعين إلى أقرب مائة هتبقى ربعمية. هجمع. ستمية زائد ربعمية هيساوي ألف. إذن ناتج التقريب إلى أقرب مائة هو ألف.

دلوقتي هجيب ناتج الجمع الدقيق. خمسمية تلاتة وتمانين زائد تلتمية ستة وسبعين. تلات آحاد زائد ست آحاد هيساوي تسع آحاد. تمن عشرات زائد سبع عشرات هيساوي خمستاشر عشرة. هعيد تجميعها إلى خمس عشرات وواحد مئات. واحد مئات زائد خمس مئات زائد تلات مئات هيساوي تسع مئات. هنلاحظ بكده إنه ناتج التقريب تسعمية وستين أو ألف قريّب جدًّا من ناتج الجمع الدقيق. وهو تسعمية تسعة وخمسين.

وبكده هنكون اتعلّمنا إزّاي نقدّر ناتج جمع أعداد من تلات أرقام عن طريق التقريب إلى أقرب عشرة، أو إلى أقرب مائة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.