فيديو: إيجاد ارتفاع أسطوانة بمعلومية حجمها

أسطوانة حجمها ٩٠٠ سم^٣، وقطر قاعدتها ١٤ سم. أوجد ارتفاع الأسطوانة لأقرب رقمين عشريين.

٠٢:١٣

‏نسخة الفيديو النصية

أسطوانة حجمها تسعمية سنتيمتر مكعب، وقطر قاعدتها أربعتاشر سنتيمتر. اوجد ارتفاع الأسطوانة لأقرب رقمين عشريين.

من خلال قراءة السؤال، بنلاقي إن حجم الأسطوانة معطى عندنا. وبالتالي هنستخدمه عشان نقدر نوجد ارتفاع هذه الأسطوانة. فهنكتب قانون حساب حجم الأسطوانة: حجم الأسطوانة بيساوي 𝜋 ع نق تربيع. وَ ع عبارة عن ارتفاع الأسطوانة، وَ نق عبارة عن نصف قطر قاعدتها.

فبنلاقي عندنا إن ع مجهول، طبعًا اللي هو ارتفاع الأسطوانة المطلوب حسابه. وبنلاقي إن قطر قاعدتها أربعتاشر سنتيمتر. يبقى نق، اللي هو عبارة عن نصف القطر، هيساوي القطر على اتنين، هيساوي أربعتاشر على اتنين. بنلاقي إن فيه عامل مشترك أكبر بين البسط والمقام، وهو الاتنين. أربعتاشر على الاتنين الناتج بسبعة. اتنين على الاتنين الناتج بواحد. وبالتالي يبقى نق هيساوي سبعة سنتيمتر.

بعد كده بالتعويض في قانون حجم الأسطوانة، يبقى تسعمية هتساوي 𝜋 في ع في نق تربيع. هنعوّض عن نق بسبعة، يبقى سبعة تربيع. بعد كده هنعزل ع، وده هيتمّ من خلال قسمة الطرفين على 𝜋 في سبعة تربيع. وبالتالي هنلاقي إن ع عندنا هتساوي تسعمية على، 𝜋 في سبعة تربيع. باستخدام الآلة الحاسبة، هنلاقي إن تقريبًا ع هتساوي خمسة وخمسة وتمانين من مية سنتيمتر. وبكده يبقى قدرنا نحسب قيمة ارتفاع هذه الأسطوانة، بدلالة حجمها، وبدلالة قطر قاعدتها.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.