فيديو: امتحان الفزياء الدور الثاني للعام السابق • ٢٠١٨/٢٠١٧ • السؤال الثاني عشر ب

امتحان الفزياء الدور الثاني للعام السابق • ٢٠١٨/٢٠١٧ • السؤال الثاني عشر ب

٠١:١٠

‏نسخة الفيديو النصية

اذكر تطبيقًا واحدًا للتصوير الحراري في مجال الطب.

فالتصوير الحراري بيحوّل درجة حرارة الجسم لصورة. فعن طريقه ممكن نشوف الأجسام السخنة مثلًا لونها أحمر. والأجسام الساقعة لونها أزرق. وأحد أهمّ مميِّزاته إنه بيعتمد على درجة الحرارة.

فمثلًا لو جِبنا لوح تلج وحطّيناه جوّه صندوق. فبعنينا أو التصوير العادي مش هنشوف لوح التلج. إنما لو عايزين نشوف فيه إيه جوّه الصندوق، ممكن نستخدم التصوير الحراري. فده بيخلّينا نشوف درجات الحرارة اللي جوّه الصندوق. وبالتالي هنشوف إن في قلب الصندوق فيه حاجة ساقعة، اللي هو قالب التلج. ودرجات الحرارة حوالين قالب التلج بتبدأ تزيد لحدّ ما توصل لدرجة حرارة الغرفة.

فده معناه إن ممكن نستخدم التصوير الحراري في إننا نشوف الحاجات اللي الضوء مش بيوصل لها. ولكن بشرط إن درجة حرارتها تبقى مختلفة عن درجة حرارة المحيط. وعلشان كده بنستخدمه في مجال الطب في مجالات الأورام والأجنة. وده لأن الأورام بتبقى درجة حرارتها مختلفة عن درجة حرارة الجسم. وده بيساعدنا إن إحنا نتعرّف عليها جوّه الجسم.

وبكده نبقى عرفنا تطبيق للتصوير الحراري في مجال الطب.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.