فيديو: حل المسائل الكلامية عن طريق قسمة عدد عشري على آخَر

رِزْمة من الورق ارتفاعها ٣٫٠٢٥ سم. إذا كان سُمك كل ورقة ٠٫٦٠٥ مم، فكم ورقة في الرِّزْمة؟

٠٣:٠٨

‏نسخة الفيديو النصية

رِزْمة من الورق ارتفاعها تلاتة وخمسة وعشرين من ألف سنتيمتر. إذا كان سُمك كل ورقة ستمية وخمسة من ألف ملليمتر، فكم ورقة في الرِّزْمة؟

عرفنا في المثال ده إن عندنا مجموعة من الورق مرصوصة فوق بعضها زيّ الشكل ده. فبنقول عليها رِزْمة. وارتفاع مجموعة الأوراق دي كلها من أول ورقة لآخر ورقة، بيساوي تلاتة سنتيمتر وخمسة وعشرين من ألف. وعرفنا كمان إن سُمك الورقة الواحدة، بيساوي ستمية وخمسة من ألف ملليمتر. وسُمكها ده هو اللي بيمثّل الورقة الواحدة شغلِت قد إيه من ارتفاع الورق كله.

ودلوقتي علشان نعرف عدد الأوراق في الرِّزْمة دي، هنبدأ نقسم ارتفاع الرِّزْمة، اللي هو تلاتة وخمسة وعشرين من ألف سنتيمتر. على سُمك الورقة الواحدة، اللي هو ستمية وخمسة من ألف ملليمتر. بس هنلاحظ إن السنتيمتر مختلف عن الملليمتر. وبالتالي علشان نقدر نقسم، لازم نخلّي الوحدتين زيّ بعض.

العلاقة بين السنتيمتر والملليمتر، هو إن الواحد سنتيمتر بيساوي عشرة ملليمتر. وبالتالي عشان نحوّل تلاتة وخمسة وعشرين من ألف سنتيمتر لملليمتر، هنضربها في عشرة. هنلاقي إنها بتساوي تلاتين ملليمتر وخمسة وعشرين من مية. وده لأننا ضربنا في العشرة، والعشرة بتحتوي على صفر واحد. فحرّكنا العلامة العشرية مَنزلة عشرية واحدة لليمين. فبالشكل ده هنقسم تلاتين وخمسة وعشرين من مية ملليمتر، على ستمية وخمسة من ألف ملليمتر.

وعلشان نقسم عدد عشري على عدد عشري آخر بسهولة، هنبدأ نحوّل المقسوم عليه من عدد عشري لعدد صحيح؛ عشان نتخلّص من العلامة العشرية. هنضربه في ألف، فهيكون ستمية وخمسة. وزيّ ما ضربنا المقسوم عليه في ألف، فهنضرب برضو المقسوم في ألف. حرّكنا العلامة العشرية تلات مرات، فكان ناتج الضرب هو تلاتين ألف وميتين وخمسين. وهو ده العدد الجديد اللي هنحطّه مكان المقسوم.

هنبدأ نقسم تلاتة على ستمية وخمسة، مش هينفع؛ لأن المقسوم لازم يكون أكبر. فهناخد الرقم اللي بعده. تلاتين على ستمية وخمسة، برضو مش هينفع؛ لأنه أصغر من ستمية وخمسة. تلتمية واتنين، برضو مش هينفع. فهناخد تلات آلاف وخمسة وعشرين، وهنقسمها على ستمية وخمسة. يا ترى هيساوي كام؟

بنجرّب نضرب الستمية وخمسة في الأعداد: اتنين، وتلاتة، وهكذا … علشان نعرف التلات آلاف خمسة وعشرين فيهم كام ستمية وخمسة. فلقينا إن الستمية وخمسة في خمسة، هي بالفعل بتساوي تلات آلاف خمسة وعشرين. وبالتالي هنكتب في خارج القسمة خمسة. وهنكتب حاصل ضرب خمسة في ستمية وخمسة تحت هنا، وبعدين نبدأ نطرح. فهيساوي صفر. ولكن عندنا في المقسوم عليه كمان صفر، فهنقول صفر على ستمية وخمسة بيساوي صفر. وبالتالي هنكتب في خارج القسمة صفر.

وبكده استنتجنا إنه خارج القسمة بيساوي خمسين. فدلوقتي نقدر نقول إنه عدد الأوراق في الرِّزْمة بيساوي خمسين ورقة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.