فيديو: جمع وطرح الأعداد المركَّبة

أوجد ناتج −٩ + (٧ + ٤ﺕ) + (−٤ − ٤ﺕ) − (١ + ٣ﺕ).

٠١:٥٠

‏نسخة الفيديو النصية

أوجد ناتج هذا المقدار اللي إحنا شايفينه ده.

هنبدأ نكتب المقدار مرة أخرى، ولكن هنبدأ نوزّع الإشارة على الجمع وعلى الطرح. فبنلاقي عندنا إن موجب في موجب سبعة بموجب سبعة، وموجب في موجب أربعة بموجب أربعة. بعد كده موجب هتدخل على سالب أربعة ناقص أربعة ت، فبنلاقي إن الناتج عبارة عن ناقص أربعة ناقص أربعة ت. بعد كده هنوزّع السالب على الجمع؛ يبقى سالب واحد في واحد يبقى سالب واحد، وسالب في موجب يبقى سالب تلاتة ت.

بعد كده هنعمل عملية إبدال، وهنخلّي الأجزاء الحقيقية بجوار بعضها، والأجزاء التخيّلية بجوار بعضها. يبقى الناتج هيكون عبارة عن سالب تسعة، زائد سبعة، ناقص أربعة، ناقص واحد، زائد أربعة ت، ناقص أربعة ت، ناقص تلاتة ت.

بعد كده هنجمع الأجزاء الحقيقية. يبقى سالب تسعة، زائد سبعة، ناقص أربعة، ناقص واحد؛ بنلاقي إن الناتج يساوي سالب سبعة. وبعد كده بنلاقي إن أربعة ت ناقص أربعة ت بيكون الناتج بصفر. وبالتالي الجزء التخيّلي المتبقّي هيبقى عبارة عن ناقص تلاتة ت.

يبقى ناتج المقدار هيبقى عبارة عن سالب سبعة ناقص تلاتة ت.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.