فيديو: المجال المغناطيسي الناتج عن سلك مستقيم طويل

كثافة الفيض المغناطيسي على مسافة 50cm من سلك مستقيم طويل ورفيع تساوي 8.0𝜇T. ما مقدار شدة التيار الكهربي خلال هذا السلك؟

٠١:٥٢

‏نسخة الفيديو النصية

كثافة الفيض المغناطيسي على مسافة خمسين سنتيمتر من سلك مستقيم طويل ورفيع تساوي تمنية ميكروتسلا. ما مقدار شدة التيار الكهربي خلال هذا السلك؟

فإحنا عندنا سلك طويل ماشي فيه تيار كهربي هنسمّيه 𝑖. فلمّا بيبقى فيه تيار ماشي في سلك مستقيم بيتكوّن حواليه مجال مغناطيسي. وإحنا معانا المجال بتاع المجال المغناطيسي ده على بُعد خمسين سنتيمتر، وعارفين إنه بيساوي تمنية ميكروتسلا.

فعامةً لو إحنا عندنا سلك ماشي فيه تيار، هنلاقي اتكوّن حواليه مجال مغناطيسي في شكل حلقات كده. والمجال المغناطيسي ده بيقلّ كل ما نبعد عن السلك، فده معناه إن المجال المغناطيسي بيتناسب عكسيًّا مع المسافة من السلك. ولو زوّدنا التيار اللي موجود في السلك، هنلاقي إن المجال المغناطيسي حواليه زاد، وده معناه إن المجال المغناطيسي بيتناسب طرديًّا مع التيار.

فكده نقدر نقول إن المجال المغناطيسي بيساوي ثابت ما، مضروب في 𝑖 على 𝑟. والثابت ده بيساوي نفاذية الهوا مقسومة على اتنين 𝜋. ونفاذية الهوا دي رقم ثابت بيساوي أربعة 𝜋 في عشرة أُس سالب سبعة تسلا متر على أمبير.

فعلشان نعرف نجيب التيار، هنضرب المعادلة في، اتنين 𝑟 𝜋 على نفاذية الهوا. فهنلاقي إن التيار بيساوي اتنين 𝑟 𝜋 في 𝐵، على نفاذية الهوا. فلمّا نعوّض بالقيم المعطاة. هنلاقي إن التيار بيساوي اتنين 𝜋 في خمسين سنتيمتر في تمنية ميكروتسلا، على أربعة 𝜋 في عشرة أُس سالب سبعة تسلا متر على أمبير.

فعلشان نعرف نختصر الوحدات، هنحوّل السنتيمتر لعشرة أُس سالب اتنين متر، وهنحوّل الميكروتسلا لعشرة أُس سالب ستة تسلا. فكده نقدر نختصر التسلا مع التسلا، ونختصر المتر مع المتر، ونختصر الـ 𝜋 مع الـ 𝜋. فمن هنا نقدر نقول إن التيار بيساوي عشرين أمبير.

وبكده نبقى عرفنا نجيب التيار اللي موجود جوّه سلك بمعرفة المجال المغناطيسي المتكوّن حواليه.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.