فيديو: حساب الزمن اللازم لسريان حجم سائل

اعتبِر حمام سباحة يمكنه حمل ‎1.000 × 10^5L من الماء. أوجد الزمن اللازم لملء حمام السباحة باستخدام خرطوم مياه ينقل الماء بمعدل 75.00L/min. أوجد الزمن اللازم لملء حمام السباحة بتحويل نهر متوسط الحجم يتدفق بمعدل ‎4.500 × 10^3m^3/s.

٠١:٥٧

‏نسخة الفيديو النصية

اعتبِر حمام سباحة يمكنه حمل واحد في عشرة أُس خمسة لتر من الماء. أوجد الزمن اللازم لملء حمام السباحة باستخدام خرطوم مياه ينقل الماء بمعدل خمسة وسبعين لتر على الدقيقة. أوجد الزمن اللازم لملء حمام السباحة بتحويل نهر متوسط الحجم يتدفق بمعدل أربعة وخمسمية من الألف في عشرة أُس تلاتة متر مكعّب على الثانية.

ففيه حمام سباحة حجمه بيساوي واحد في عشرة أُس خمسة لتر، هنملاه مرة بخرطوم معدل التدفق بتاعه خمسة وسبعين لتر على الدقيقة. ومرة تانية هنملاه بإننا نحوّل نهر متوسط الحجم عليه، ومعدل التدفق بتاعه أربعة ونص في عشرة أُس تلاتة متر مكعب على الثانية. والمطلوب منّنا إن إحنا نعرف الزمن المطلوب علشان نملا حمام السباحة بالطريقتين.

فمعدل التدفُّق بيساوي الحجم مقسوم على الزمن. فنقدر نضرب طرفين المعادلة دي في الزمن على المعدل. فهنطلع إن الزمن بيساوي الحجم على المعدل. فنقدر نستخدم القانون ده في الحالتين. فلمّا هنيجي نستخدمه في الحالة الأولانية، هنلاقي إن الزمن بيساوي واحد في عشرة أُس خمسة لتر على خمسة وسبعين لتر على الدقيقة. نقدر نختصر اللتر مع اللتر، وهنطلّع إن الزمن بيساوي ألف تلتمية تلاتة وتلاتين دقيقة. وبكده نبقى طلّعنا الزمن المطلوب علشان نملا حمام السباحة بالخرطوم.

أما علشان نجيب الزمن في الحالة التانية، هنعوّض في نفس القانون ولكن بالمعدل بتاع النهر. فهنلاقي إن الزمن اللي بياخده النهر علشان يملا حمام السباحة بيساوي واحد في عشرة أُس خمسة لتر، على أربعة ونص في عشرة أُس تلاتة متر مكعب على الثانية. وعلشان نعرف نختصر الوحدات، هنعوّض مكان اللتر بعشرة أُس سالب تلاتة متر مكعب. فكده نقدر نختصر المتر مكعب مع المتر مكعب. وهنطلّع إن الزمن بيساوي صفر فصلة صفر اتنين اتنين اتنين اتنين ثانية. وبكده نبقى طلّعنا المطلوب التاني، وهو الزمن اللي بيحتاجه النهر علشان يملا حمام السباحة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.