فيديو: العد بالترتيب حتى ١٠

تعُدُّ منى خطواتها أثناء صعودها. ما العدد الذي تنتهي عنده؟ ما العدد الذي أغفلته؟

٠١:٥٠

‏نسخة الفيديو النصية

تعُد منى خطواتها أثناء صعودها. ما العدد الذي تنتهي عنده؟

فيه بنت اسمها منى طالعة على السلم. وهي طالعة بتعد درجة درجة. فعاوزين نعرف آخر عدد هتقوله، أو السلم هيخلص عنده، هو عدد إيه. تعالوا نشوف.

فهنقول إن منى هتبدأ من هنا، ودي هتبقى الدرجة الأولى، فهنقول واحد. بعديها اتنين، تلاتة، أربعة، خمسة، ستة، سبعة، تمنية. معنى كده إن منى خلصت عند الإيه؟ التمنية. فعدد درجات السلم تمن درجات.

طيب الجزء التاني بقى من السؤال. منى وهي بتعدّ عدّت بالشكل اللي قدامنا ده. أو زي ما قلنا هنا واحد، اتنين، تلاتة، أربعة، خمسة، بعدين نسيت عدد هنا، وكملت سبعة، تمنية. السؤال عندنا بقى: ما العدد الذي أغفلته؟ إيه العدد اللي هي نسيته؟ يعني إيه العدد اللي المفروض يبقى موجود هنا؟

تعالوا كده نعدّ مع بعض تاني؛ واحد، اتنين، تلاتة، أربعة، خمسة، ستة. آه يبقى العدد اللي المفروض يبقى هنا هو الإيه؟ الستة. عشان بنكمّل بعد الستة، سبعة، تمنية. يبقى عرفتوا إيه العدد اللي هي نسيته. هو الستة. يبقى كده إحنا جاوبنا على السؤال بتاعنا بكل أجزاؤه. أول جزء عرفنا درجات السلم كلها، والعدد اللي منى انتهت عنده وهو التمنية. وبعديها عرفنا العدد اللي هي نسيته في النص وهو الستة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.