فيديو: استخدام قوانين الأسس لإيجاد المقادير العددية

أوجد قيمة (٣/٢)^٣ × (−٣/١)^٣ ÷ (−٣/١)^٢، مع كتابة الإجابة في أبسط صورة.

٠٢:٢٩

‏نسخة الفيديو النصية

أوجد قيمة اتنين على تلاتة أُس تلاتة، في سالب واحد على تلاتة أُس تلاتة، على سالب واحد على تلاتة أُس اتنين؛ مع كتابة الإجابة في أبسط صورة.

ممكن نكتب المقدار بالصورة اتنين على تلاتة أُس تلاتة، في سالب واحد على تلاتة أُس تلاتة؛ الكل على سالب واحد على تلاتة أُس اتنين.

في حالة قسمة عددين ليهم نفس الأساس ومرفوعين لأسس، زي مثلًا أ أُس س على أ أُس ص. فده هيساوي أ أُس س ناقص ص. يبقى ممكن نقول إن المقدار هيساوي اتنين على تلاتة أُس تلاتة، في سالب واحد على تلاتة أُس، تلاتة ناقص اتنين. وتلاتة ناقص اتنين بيساوي واحد.

يبقى المقدار هيساوي اتنين على تلاتة أُس تلاتة، في سالب واحد على تلاتة. بالنسبة للحد اتنين على تلاتة أُس تلاتة، ففي حالة وجود عدد مقسوم على عدد والكل مرفوعين لنفس الأُس، زي مثلًا أ على ب الكل أُس س. فده هيساوي أ أُس س على ب أُس س. يبقى ممكن نقول إن ده هيساوي اتنين أُس تلاتة على تلاتة أُس تلاتة، في سالب واحد على تلاتة.

ممكن نقول إن المقدار بيساوي اتنين أُس تلاتة هيساوي تمنية، على تلاتة أُس تلاتة هيساوي سبعة وعشرين، في سالب واحد على تلاتة. وفي حالة ضرب كسريين بنضرب البسط في البسط والمقام في المقام. يبقى ده هيساوي … تمنية في سالب واحد، على سبعة وعشرين في تلاتة. ده هيساوي … تمنية في سالب واحد هيساوي سالب تمنية، على … سبعة وعشرين في تلاتة هيساوي واحد وتمانين. يبقى المقدار في أبسط صورة هيساوي سالب تمنية على واحد وتمانين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.