فيديو: مقارنة عددين كبيرين

هل ١٤٩٧٨١< أو = أو >٨٩٤٦٩٠؟

٠١:٠٧

‏نسخة الفيديو النصية

هل مية تسعة وأربعين ألف سبعمية واحد وتمانين أصغر من، أو يساوي، أو أكبر من تمنمية أربعة وتسعين ألف وستمية وتسعين؟

هنستعين في المقارنة بين العددين بجدول القيم المكانية، ونحطّ كل رقم من الأرقام اللي بيتكوّن منها كل عدد منهم في الخانة المكانية المناسبة. دلوقتي دايمًا لمّا بنيجي نقارن بين عددين بنبتدي نقارن من الأرقام اللي في الخانة المكانية الأكبر. أكبر خانة مكانية عندنا هنا هي مئات الألوف.

هنبتدي نقارن بين الرقم اللي في العدد الأول في خانة مئات الألوف اللي هو واحد، والرقم اللي في العدد التاني اللي في نفس الخانة اللي هو تمنية. واضح إن تمنية أكبر من واحد. معناها إن العدد التاني أكبر من العدد الأول، أو العدد الأول أصغر من العدد التاني.

يعني مية تسعة وأربعين ألف سبعمية واحد وتمانين أصغر من تمنمية أربعة وتسعين ألف ستمية وتسعين. يبقى العلامة المناسبة اللي نستخدمها هنا هي: أصغر من.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.