تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: استخدام قسمة كثيرات الحدود لحل المسائل

أحمد لطفي

استخدم قسمة كثيرات الحدود لتبسيط (٦ﺱ^٣ + ٥ﺱ^٢ − ٢٠ﺱ − ٢١)/(٢ﺱ + ٣).

٠٢:٠٩

‏نسخة الفيديو النصية

استخدام قسمة كثيرات الحدود لتبسيط ستة س أُس تلاتة، زائد خمسة س أُس اتنين، ناقص عشرين س، ناقص واحد وعشرين، الكل مقسوم على اتنين س زائد تلاتة.

عشان نقدر نستخدم قسمة كثيرات الحدود، فهنستخدم القسمة المطوَّلة، فهيكون عندنا … هنكتب المقدار الموجود في البسط والمقدار الموجود في المقام، وهنبدأ عملية القسمة، ستة س أُس تلاتة مقسومة على اتنين س، هتساوي تلاتة س أس اتنين، وهنرجع نضرب … تلاتة س أس اتنين، في اتنين س، هيساوي ستة س أُس تلاتة. وتلاتة س أُس اتنين، في تلاتة، هيساوي تسعة س أُس اتنين. هنطرح فهيكون عندنا خمسة س أُس اتنين، ناقص تسعة س أُس اتنين، هيساوي سالب أربعة س أُس اتنين، ناقص عشرين س، ناقص واحد وعشرين. هنقسم سالب أربعة س أُس اتنين، على اتنين س، هيساوي سالب اتنين س. هنرجع نضرب سالب اتنين س، في اتنين س، هيساوي سالب أربعة س أُس اتنين. وسالب اتنين س، في تلاتة، هيساوي سالب ستة س. وهنطرح فهيكون عندنا سالب عشرين س، ناقص سالب ستة س، هيساوي سالب أربعتاشر س، ناقص واحد وعشرين. وبعدين هنقسم سالب أربعتاشر س، على اتنين س، هيساوي سالب سبعة. وهنرجع نضرب سالب سبعة، في اتنين س، هيساوي سالب أربعتاشر س، وسالب سبعة، في تلاتة، هيساوي سالب واحد وعشرين. هنطرح ‏فهيتبقى عندنا صفر. ومجرد وصولنا للصفر يبقى عملية القسمة انتهت.

وبالتالي تبسيط المقدار ستة س أُس تلاتة، زائد خمسة س أُس اتنين، ناقص عشرين س، ناقص واحد وعشرين، الكل مقسوم على اتنين س زائد تلاتة؛ هيكون تلاتة س أُس اتنين، ناقص اتنين س، ناقص سبعة.