فيديو: فَهْم القيمة المكانية

٩٠٠ عشرات = _ مئات.

٠١:٥٩

‏نسخة الفيديو النصية

تسعمية عشرات يساوي نقط مئات.

عشان نقدر نكمّل النقط ونعرف تسعمية عشرات بتساوي كام مئات، لازم نفتكر القيمة المكانية للأعداد.

لو عندنا مثلًا العدد سبعة، القيمة المكانية للعدد سبعة في خانة الآحاد هو سبعة. والقيمة المكانية للعدد سبعة في خانة العشرات هو سبعين. والقيمة المكانية للعدد سبعة في خانة المئات هو سبعمية.

يبقى كده نقدر نقول إن سبعة عشرات بتساوي سبعين. وإن سبعة مئات بتساوي سبعمية. تعالوا نشوف السؤال اللي عندنا؛ تسعمية عشرات. معنى كده إن تسعمية عشرات هتبقى … هننزّل التسعمية، ونزوّد صفر؛ عشان إحنا عندنا عشرات. عايزين نعرف تسعمية عشرات، اللي هي تسعة آلاف، بتساوي كام مئات.

لمّا بنيجي نكتب مئات بنزوّد صفرين، اللي هي زيّ سبعة مئات بتساوي سبعمية. يبقى لو شِلنا الصفرين، هيبقى عندنا تسعين. يبقى الصفرين مكان المئات، وهنكتب مكان النقط تسعين.

يبقى كده نقدر نقول إن تسعمية عشرات بتساوي تسعة آلاف. ونقدر نقول إن تسعين مئات بتساوي تسعة آلاف.

يبقى كده اتأكّدنا إن تسعمية عشرات بتساوي تسعين مئات. يبقى الإجابة بتاعتنا هي: تسعين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.