فيديو: إيجاد مساحة المثلث القائم الزاوية

أوجد مساحة △أبﺟ، لأقرب جزء من مائة.

٠١:٢٦

‏نسخة الفيديو النصية

أوجد مساحة المثلث أ ب ﺟ، لأقرب جزء من مائة.

العلاقة اللي بنقدر نحسب منها مساحة أيّ مثلث، هي إن المساحة بتبقى بتساوي نص طول القاعدة، في الارتفاع. فكده المساحة هتبقى بتساوي نص في طول القاعدة اللي هو أربعة وتسعة وتسعين من مية سنتيمتر، في الارتفاع اللي هو خمسة وأربعة من عشرة سنتيمتر. وبإيجاد حاصل عمليات الضرب، اللي عندنا دي، هتطلع المساحة بتساوي تلتاشر وربعمية تلاتة وسبعين من ألف سنتيمتر مربع. نفتكر كويس دايمًا إن وحدة قياس المساحة بتبقى وحدة مربعة. وعشان الأطوال المستخدمة هنا بالسنتيمتر، فوحدة المساحة هتبقى بالسنتيمتر المربع.

طب مطلوب مننا دلوقتي إننا نقرّب المساحة دي لأقرب جزء من مائة. هنيجي تحت خانة الأجزاء من مائة. ونحطّ خطين تحت الرقم اللي في الخانة المكانية دي. ونشوف الرقم اللي على يمينه. لو كان أقل من خمسة، فهيتحوّل لصفر. أمّا الرقم اللي تحته الخط، فهيفضل زيّ ما هو. وبالتالي هتبقى المساحة، بعد التقريب، تلتاشر وسبعة وأربعين من مية سنتيمتر مربع. وبكده يبقى أوجدنا مساحة المثلث، مقرّبة لأقرب جزء من مائة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.