فيديو: ضرب الأعداد العشرية

احسب مساحة المستطيل الذي طول ضلعيه ٤٢٫٨٩ سم و٩٫٣ سم، وقرِّب الناتج لأقرب سنتيمتر مربع.

٠٥:٠٨

‏نسخة الفيديو النصية

احسب مساحة المستطيل الذي طول ضلعيه اتنين وأربعين وتسعة وتمانين من مية سنتيمتر، وتسعة وتلاتة من عشرة سنت تر، مقرِّبًا الناتج لأقرب سنتيمتر مربع.

فعلشان نوجد مساحة المستطيل يبقى هنوجد حاصل ضرب الطول في العرض، يعني عايزين نوجد حاصل ضرب اتنين وأربعين وتسعة وتمانين من مية، في تسعة وتلاتة من عشرة، وعلشان نضرب الأعداد العشرية أول حاجة بنعملها إننا بنحذف العلامة العشرية في العددين، فهيبقى كأننا بنضرب أربعة آلاف ميتين تسعة وتمانين في تلاتة وتسعين، فهنكتبهم تحت بعض ونبدأ نعمل عملية الضرب، وهنبدأ الأول نضرب تلاتة في أربعة آلاف ميتين تسعة وتمانين، فهنبدأ الأول نضرب تلاتة في تسعة واللي بتساوي سبعة وعشرين، لكن ما ينفعش نكتب اتنين هنا، فهنكتبها فوق خانة العشرات اللي هي الخانة اللي بعدها، بعد كده هنضرب تلاتة في تمنية واللي هتساوي أربعة وعشرين، وهنجمع عليها اتنين فهيبقى بيساوي ستة وعشرين، وبنفس الطريقة الاتنين هنا هنكتبها فوق الخانة اللي بعدها فهنكتبها فوق اتنين، بعد كده هنضرب تلاتة في اتنين واللي بتساوي ستة وهنجمع عليها اتنين فهيبقى بتساوي تمنية، بعد كده هنضرب تلاتة في أربعة واللي بتساوي اتناشر، فكده إحنا ضربنا تلاتة في أربعة آلاف ميتين تسعة وتمانين، بعد كده هنضرب تسعة في أربعة آلاف ميتين تسعة وتمانين، وهنكتب الإجابة تحت هنا، وناخد بالنا بما إن تسعة هنا موجودة في خانة العشرات فمعنى كده إن قيمتها تسعين يعني تسع عشرات، فبالتالي لما نضرب تسعة في أربعة آلاف ميتين تسعة وتمانين، فكأننا بنضرب تسعين في أربعة آلاف ميتين تسعة وتمانين، فمعنى كده إن الإجابة هتكون مضروبة في عشرة؛ فبالتالي هنحط في أول الإجابة على اليمين صفر، ونبدأ نعمل عملية الضرب، فهنبدأ نضرب تسعة في تسعة واللي بتساوي واحد وتمانين، وزي ما عرفنا ما ينفعش نسيب تمنية كده، فهنكتبها فوق الخانة اللي بعدها فوق تمنية، بعد كده هنضرب تسعة في تمنية واللي بتساوي اتنين وسبعين، والتمنية اللي مكتوبة فوق هنجمعها فهيبقى اتنين وسبعين زائد تمنية بتساوي تمانين، وبنفس الطريقة هنكتب تمنية هنا فوق الخانة اللي بعدها يعني فوق اتنين، وهنبدأ نضرب تسعة في اتنين واللي بتساوي تمنتاشر، وهنجمع عليها التمنية اللي فوق، فهيبقى تمنتاشر زائد تمنية بتساوي ستة وعشرين، وبنفس الطريقة الاتنين اللي تحت هنا هنكتبها فوق الخانة اللي بعدها يعني فوق أربعة، وآخر حاجة هنضرب تسعة في أربعة واللي بتساوي ستة وتلاتين، زائد اتنين فهتساوي تمنية وتلاتين.

وآخر خطوة إننا نجمع الإجابتين، فهنبدأ نجمع سبعة زائد صفر بتساوي سبعة، وستة زائد واحد بتساوي سبعة، وتمنية زائد صفر بتساوي تمنية، واتنين زائد ستة بتساوي تمنية، وواحد زائد تمنية بتساوي تسعة، وتلاتة هتنزل زي ما هي، بعد كده عايزين نحط العلامة العشرية فهنبدأ نعدّ عدد الخانات العشرية اللي موجودة في عاملين الضرب، فيبقى عندنا في العدد العشري ده عدد الخانات العشرية اتنين، وفي العدد العشري ده عدد الخانات العشرية خانة واحدة، فهنيجي بعد كده عند حاصل الضرب وعايزين نحط العلامة العشرية، فالمكان اللي بنحط فيه العلامة العشرية في حاصل الضرب بيساوي مجموع عدد الخانات العشرية في العوامل المضروبة، يعني كان عندنا هنا اتنين وهنا واحد فمجموعهم تلاتة؛ فبالتالي هنحط هنا العلامة العشرية بعد تلات خانات من اليمين.

فبالتالي هيبقى مساحة المستطيل هي تلتمية تمنية وتسعين وتمنمية سبعة وسبعين من ألف سنتيمتر مربع، لكن المطلوب هنا إننا نقرب الناتج لأقرب سنتيمتر مربع؛ فبالتالي هتبقى مساحة المستطيل تقريبًا تساوي تلتمية تسعة وتسعين سنتيمتر مربع.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.