فيديو: تحديد المتباينة ذات الحل المعطى

ينتمي العدد ٢ إلى مجموعة حل المتباينة _؛ حيث ﺱ عدد صحيح. [أ] س >٢ [ب] س< ٢ [ج] −س >−٤ [د] −س< ٤

٠٢:١٩

‏نسخة الفيديو النصية

العدد اتنين يمثل حلّ أيّ متباينة من هذه المتباينات؟

بنلاقي عندنا أربع اختيارات: أ، ب، ج، د، مطلوب تحديد الإجابة الصحيحة. عشان نعرف العدد اتنين يمثّل حل أيّ المتباينات التالية؛ بنبدأ نعوّض باتنين مكان الـ س، المتغيِّر س، في كل متباينة، ونشوف هل فعلًا العدد اتنين بيمثل حل ويحقق المتباينة ولا لأ. بنعوّض عن الـ س باتنين في أول اختيار أو أول متباينة، فبنلاقي إن اتنين هل أكبر من الاتنين ولا لأ؟ فبنلاقي طبعًا إن الاتنين بتساوي الاتنين، ولكن مش أكبر منها؛ وبالتالي خطأ، يبقى العدد اتنين لا يمثل حل لأول متباينة.

بعد كده هنعوّض في المتباينة التانية، فبنلاقي عندنا هنعوّض عن الـ س، وبنسأل هل الاتنين أقل من الاتنين ولا لأ؟ وبالتالي خطأ، ويبقى الاتنين لا يمثل حل المتباينة رقم اتنين؛ أي الاختيار ب.

هنعوّض في المتباينة رقم اتنين عن س باتنين، يبقى سالب اتنين هل أكبر من السالب أربعة أم لا؟ بنرسم خط الأعداد لتحديد هل السالب اتنين أكبر من السالب أربعة ولا لأ، بنلاقي آدي السالب أربعة عندنا، وآدي السالب اتنين، بنلاحظ إن سالب اتنين تقع يمين سالب أربعة، وبالتالي فهي أكبر.

يبقى فعلًا سالب اتنين أكبر من سالب أربعة، ويبقى الاتنين يمثل حل لهذه المتباينة؛ يبقى الإجابة هتكون هي الاختيار ج، ويبقى العدد اتنين يمثل حل للمتباينة سالب س أكبر من سالب أربعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.