فيديو: استخدام الاحتمال النظري لحل المسائل

ما عدد المرات المتوقع فيها الحصول على وجه الكتابة للعملة عند إلقائها ٦٩٠ مرة؟ [أ] ٣٢٧ [ب] ٣٣٩ [ج] ٣٤٦ [د] ٣٥٧

٠١:٤١

‏نسخة الفيديو النصية

ما عدد المرات المتوقَّع فيها الحصول على وجه الكتابة للعملة عند إلقائها ستمية وتسعين مرة؟ ومُعطى عندنا الاختيارات، أ: تلتمية سبعة وعشرين. ب: تلتمية تسعة وتلاتين. ج: تلتمية ستة وأربعين. د: تلتمية سبعة وخمسين.

وزي ما إحنا عارفين إن العملة بيبقى ليها وجهان، اللي هما الصورة والكتابة؛ فبالتالي عشان نوجد عدد المرات المتوقَّع فيها الحصول على وجه الكتابة، يبقى هنضرب عدد مرات إلقاء العملة اللي هم ستمية وتسعين، في احتمال إن الرمية تمثِّل وجه الكتابة للعملة. وزي ما قلنا إن العملة ليها وجهين، فمعنى كده إن احتمال الحصول على وجه الكتابة هو احتمال واحد من اتنين؛ يعني احتمال الحصول على وجه الكتابة بيساوي نص. فمعنى كده عشان نوجد العدد المتوقَّع للحصول على وجه الكتابة، يبقى هنضرب ستمية وتسعين في نص. فلمّا نحسبها هتبقى بتساوي تلتمية خمسة وأربعين.

وخلينا نلاحظ إن ده عدد المرات المتوقَّع، لكن مش معنى كده إن لازم الكتابة تظهر تلتمية خمسة وأربعين مرة؛ لأن ممكن لمّا نرمي العملة ستمية وتسعين مرة، يكون عدد مرات ظهور الصورة أكتر من عدد مرات ظهور الكتابة، أو العكس.

فبالتالي لمّا نيجي نشوف الاختيارات اللي عندنا، هنلاحظ إن أقرب عدد للعدد المتوقع هو تلتمية ستة وأربعين؛ لأن هو الأقرب لتلتمية خمسة وأربعين. فبالتالي هتبقى الإجابة الصحيحة هي الاختيار ج: تلتمية ستة وأربعين، فبالتالي هيبقى هو ده عدد المرات المتوقَّع فيها الحصول على وجه الكتابة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.