فيديو: تحديد إشارة الدالة التربيعية من خلال مجالها بمعلومية تمثيلها البياني

عين إشارة الدالة الموجودة في الشكل المقابل على مجالها في ﺡ.

٠١:٣٤

‏نسخة الفيديو النصية

عيّن إشارة الدالة الموجودة في الشكل المقابل على مجالها في ح.

عندنا في المثال شكل عبارة عن تمثيل بياني لدالة. وعايزين نستفيد منه في تحديد إشارة الدالة دي على مجالها في ح؛ حيث ح هي مجموعة الأعداد الحقيقية. فهنرجع للشكل اللي عندنا هنلاقي إن التمثيل البياني للدالة بيقطع محور السينات عند س تساوي سالب أربعة، وعند س تساوي اتنين. وده معناه إن الدالة تساوي صفر عند س تساوي سالب أربعة، وعند س تساوي اتنين.

وكمان هنلاقي في الشكل اللي عندنا إن التمثيل البياني للدالة فوق محور السينات لمّا س تكون أقل من سالب أربعة. أو س تكون أكبر من اتنين. وده معناه إن الدالة موجبة عند س أقل من سالب أربعة، أو س أكبر من اتنين.

وكمان هنلاقي في الشكل اللي عندنا إن التمثيل البياني للدالة تحت محور السينات عند س أكبر من سالب أربعة، وأقل من اتنين. معنى كده إن الدالة سالبة عند س أكبر من سالب أربعة، وأقل من اتنين.

بكده نقدر نقول إن الدالة سالبة عند س تنتمي للفترة المفتوحة من سالب أربعة لاتنين. وموجبة عند س تنتمي للفترة المفتوحة من سالب ما لا نهاية لسالب أربعة، اتحاد الفترة المفتوحة من اتنين لموجب ما لا نهاية.

أو بشكل تاني الدالة موجبة عند س تنتمي لـ ح فرق الفترة المغلقة من سالب أربعة لاتنين؛ حيث ح هي مجموعة الأعداد الحقيقية. والدالة تساوي صفرًا عند س تنتمي للمجموعة: سالب أربعة، واتنين.

وبكده يبقى إحنا عيّنا إشارة الدالة الموجودة عندنا في الشكل على مجالها في ح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.