فيديو: امتحان الفزياء للعام السابق • ٢٠١٨/٢٠١٧ • السؤال التاسع والعشرون

امتحان الفزياء للعام السابق • ٢٠١٨/٢٠١٧ • السؤال التاسع والعشرون

٠١:٤٥

‏نسخة الفيديو النصية

أوميتر مقاومته 𝑅 يمر به تيار شدته 𝐼. عند توصيل مقاومة خارجية مقدارها ست آلاف أوم بالأوميتر على التوالي، تكون شدّة التيار المارّ في الأوميتر واحد على تلاتة 𝐼. في الحالتين كانت القوة الدافعة الكهربية التي تمد بها البطارية الدائرة واحدة. احسب مقاومة الأوميتر 𝑅.

ففيه أوميتر مقاومته 𝑅، وبيمشي فيه تيار شدته 𝐼. وده بيحصل لما بيكون الأوميتر مش متوصّل فيه أي مقاومة. أما لو اتوصّل بيه مقاومة خارجية مقدارها ست آلاف أوم، فشدة التيار اللي مارّ فيه هتبقى واحد على تلاتة 𝐼. فلو اعتبرنا إن البطارية اللي في الأوميتر ليها قوة دافعة كهربائية واحدة في الحالتين، واللي هنرمز لها بِـ 𝑉. فمطلوب منّنا نحسب قيمة المقاومة 𝑅 اللي في الأوميتر.

فلو استخدمنا قانون أوم اللي بيقول إن فرق الجهد على المقاومة، بيساوي التيار اللي ماشي في المقاومة مضروب في قيمة المقاومة. هنلاقي إن في الحالة الأولى كانت المقاومة 𝑅 بس. وده معناه إن فرق الجهد 𝑉 هيبقى بيساوي التيار 𝐼 مضروب في قيمة المقاومة. ولما نطبّق قانون أوم على الدايرة التانية، هنلاقي إن نفس القوة الدافعة الكهربائية 𝑉، ولكن التيار هيقلّ للتلت. والمقاومة الكلية في الدايرة هتبقى 𝑅 زائد ست آلاف. وبما إن 𝑉 واحدة في الحالتين، فممكن كده نساوي المعادلتين ببعض، ونلاقي إن 𝐼 𝑅 بتساوي واحد على تلاتة 𝐼، في 𝑅 زائد ست آلاف.

وممكن كده نختصر الـ 𝐼 مع الـ 𝐼، ونضرب طرفين المعادلة في تلاتة، ونطلّع إن تلاتة 𝑅 بتساوي 𝑅 زائد ست آلاف. ولما نطرح من طرفين المعادلة 𝑅، هنطلّع إن اتنين 𝑅 بتساوي ست آلاف. يعني لما نقسم المعادلة على اتنين، هنلاقي إن 𝑅 بتساوي تلات آلاف أوم. وبكده يبقى عرفنا نطلع قيمة مقاومة الأوميتر 𝑅.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.